Hosea 3:2 - Uwumbɔr aagbaŋ

² Le m nan pan tikunabr aamombil kipiik ni ŋiŋmu, ni njikaabim kuruwaa nkub ni piiŋmu u pu.

Hosea 3:2 ပူးပေါင်းရင်းမြစ်များ

Mpiin 31:41

M nan jin kina aafalaa ŋibin moninko ŋi jer aan m nan bi aa chee na. M nan tun lituln tii si ŋibin kipiik ni ŋinaa, aabisatiib bilee bee pu, le ki tun lituln ŋibin ŋiloob, maawakor ngbaan pu. Falaa umina mɔmɔk ponn ni, aa nan kpeln saah ba ga pa mi pu na nfum kipiik pu.

Mpiin 34:12

Ni yaa di u tii mi kan, ni bui mi naah ban tichoowan pu na, hali ni yaa wiir pu na kan, m ga pa nimi.”

Nnyam 22:17

Tɔ, ni yaa ye ke upiibo ngbaan aate aa kii ke uja ngbaan yoor ubisal kan, see u pan upiibo ngbaan aate tichoowan ti ŋeer usapɔɔn u kaa nyi uja na aapal.

Aisaya 5:10

Ŋisubil aasui i ni ŋum ŋibal kipiik aakpaab ni na aasubil aanyun ga gbiin kpalba biniin baanja la. Bɔtɔ mam nkub aajikaabim mu ni di bun na ga nan nyan bɔtɔ mam kipiik baanja la.

Esekiel 45:11

“Tiwan ni, ni ga di ŋaŋ tiwan ni kuur na, ni tiwan ni, ni ga di ŋaŋ nnyun aawan na li ŋak. Kina pu na, tiwaŋaŋkaan ni unii mɔmɔk nan nyi na le nan ye homer. Kina pu na, tiwan ni, ni ga li joo ŋaŋni na sɔ: Homer ubaa ye efa tiib kipiik, ki mu ye baf tiib kipiik.

Hosea 3:3

M nan bui u ke u ga kal ni yunn pam, ki taa tun kidagook aatuln, ki kiir mi, le n‑yoonn ngbaan na m ga li ka kii u.

Liifai Yaab 27:16

Uja yaa di waatiŋ nibaa chee ki di tii Uwumbɔr ipiin kan, njikaabim mu bi ga di bu bukpaab ngbaan ponn ni aah ga li wiir ki saa pu na, bu aadaak mu ŋeer kina la, njikaabim kuruwaa moninko ye tikunabr aamombil kipiik la.

Ruf Aagbaŋ 4:10

Ki kpee, Malonn aakpopii Ruf, u ye Moab aatiŋ aanii na mu kpaln mpuu la. Nimina le ga cha Elimelek u kaa ki bi na aawangol gaar waadichal ni, le waadichal aan ber udo yaab chee, ni waatiŋ ni. Nimi le ye biseeraadam din wee.”

1 Samuel 18:25

Le Sɔɔl ki bui bi ke bi ti tuk David ke, “Ubɔr aah ban tichoowan ni aa chee na le ye Filistia aajab aanikpol aanimbiin ni aawan aagban nkub, ke u di teen waadim.” Sɔɔl aah nan kpokl pu ke Filistia yaab ku David na le bi na.