Hosea 2:8 - Uwumbɔr aagbaŋ

⁸ Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Hosea 2:8 ပူးပေါင်းရင်းမြစ်များ

1 Bibɔrb Aabɔr 29:16

Tidindaan Uwumbɔr, ti kuun liwangol limina mɔmɔk ke ti nan di maa lidichal ki nyuŋ saayimbil li bi chain na la. Tɔ, ni mɔmɔk mu tee nyan ni sin chee la, le ki ye sin yaan.

Job Aagbaŋ 19:8

Uwumbɔr le laŋ nsan, le maa ŋmaa jer; u di maasan bɔr mbɔmbɔɔn ni la.

Aisaya 1:3

Inaa nyi u yeh i na, le ibon mu nyi nin chee idindaan di tijikaar di bil tii i na. Maanib Israel yaab ma chee kan, ni pɔɔ. Baa nyi nibaa.”

Aisaya 46:6

Binib piir baamombil aataakɔr ki nyan salmaa; bi ŋaŋni tikunabr aanyunyuun. Bi ga ban uchaa aan u mɔɔ bi liwaal; le ki gbaan ki doon li.

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Esekiel 23:41

Bi ga kal ŋiyikukul aajanyaan ŋi fɔk na pu, le ki di teebul u aapaacham gbii tiwanyaan, ni tulalee aayon, ni olif aakpan ni mɔmɔk m tii bi na siin binimbiin ni.

Daniel 3:1

Ubɔrkpaan Nebukadnesar nan cha bi di salmaa naan tiwanaankaan nibaa, naafɔfɔk nan ga li pii ŋitaa imonko inaa ni ŋiniin, le naawiwiir mu nan pii ŋitaa ŋiwae, le ki cha bi di ni siin Dura aateer pu, Babiloŋ aapepel ni.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 13:1

N‑yoonn mu jer na, Efraim aanibol yaa nan len kan, ijawaan nan chur ŋinibol ŋi gur na la; ŋi mɔmɔk nan lik Efraim aanibol pu la. Le binib ngbaan dooni liwaal Baal, le ki ga kpo kina pu.

Hosea 13:2

Baah beenin naani tikur aawan ki dooni ni na, le bi beenin tun titunwanbir, bi dooni tikunabr aawaa ŋi unibɔn di waalan naan ŋi uyil ni, ki di uŋaal ŋa ŋi na. Le bi bui ke, “Toor kitork tii ŋi man.” Binib ga ŋa kinye ki moor ŋiwaa ŋi bi naan ŋi ke inaaja na?

Hosea 4:11

Uwumbɔr bui ke, “Ndakpok ni ndapɔm le gaa maanib aalan.

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Habakuk 1:16

Bi kpaan dooni baapɔr ngbaan le ki toor kitork tii ti; ba pu? tima le tii bi baah ban tiwanyaan ni mɔmɔk na.

Tibɔnyaan ti Luk ŋmee ti na 15:13

Iwiin ilee aah jer na, le uwaatiir na kuun waafaal mɔmɔk, ki di buen kitiŋ ki daa na ni. Waah ti bi nima na, le u jin waafaal mɔmɔk yɔl yɔl, le li ti doo.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Bibɔjirb 9:27

Bi mɔmɔk nan nyan buen baasubil aasui aasar ni ki ti ker ŋisubil, le ki di ŋa ndaan, le ki ŋa njim. Bi nan koo baawaal aadiik ni, le ki ti jin ki nyun ndaan nima ki seei Abimelek.