Hosea 2:7 - Uwumbɔr aagbaŋ

⁷ U ga li san paa ubɔtiib pu, le kaan pii bi. U ga ban bi, kaan kan bi, le ki bui ke, “M ga gir nchakpok chee la, nima chee nan soor ni maah gur bi pu na.”

Hosea 2:7 ပူးပေါင်းရင်းမြစ်များ

2 Bibɔrb Aabɔr 28:23

U nan toor kitork tii Siria yaab bi nyaŋ u na aawaa. U nan bui ke, “Siria aawaa le ter Siria aabɔrb, kina pu na, m mu yaa toor kitork tii ŋi kan, nibaakan ŋi ga ter m mu.” Le kina aatuln joo ni tibɔbir nan lii u ni waatimbol pu.

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Aisaya 30:16

Ni tee fenn le ke ni san ŋmar nimi aadim chee, itaan i ŋmaa san na pu. Ni ye mbamɔn la, ni san ŋmar baanja le ni ga ŋa. Ni dak ke nimi aataan ŋmaa san mala la, le binib bi san dii nimi na aataan ŋmaa san mala sakpen ki ti nyaŋ nimi aataan.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 31:18

M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Jeremia 44:17

Ti ga ŋa tiwan ni mɔmɔk ti bui ke ti ŋa na. Ti ga toor kitork tii timi aawaapii, u ye Paacham Aapiibɔr na, ki ga tii u ndaan aapiin, ke timi, ni tiyaajatiib, ni timi aabɔr, ni timi aasalolm aah nan ŋani pu Juda aatim ni, ni Jerusalem aatiŋ ponn ni pu na. N‑yoonn ngbaan ti nan kpa tijikaar sakpen, ki nan kpa liwangol, kaa kpa tibɔr tibaa.

Esekiel 16:18

Aa nan yoor ŋikeken ŋi m nan tii si, aan ŋi kpa nyɔla nyɔla na di biin ŋi pu, le ki joo olif aakpan ni tulalee aayon mu m nan tii si na, tii ŋi.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Esekiel 20:32

Ni nan ŋa nimi aalandak ke ni li bi ke ŋitimbol ŋiken aanib bi koo ntim muken ni ki dooni isui ni ŋitakpal na. Tɔ, kina mu aan ŋa.

Esekiel 23:12

U mu nan neen Asiria aaninyuum, ni butɔb aajab aaninkpiib bi peeni tiwanyaan na, ni bitandam, ni binachipɔnyaam na mɔmɔk sakpen.

Esekiel 23:22

“Tɔ, Oholiba, min Aadindaan Uwumbɔr aah kpa pu m tuk si na sɔ. Aa bak aabɔtiib ngbaan ni a, le m ga cha baaŋuul fii aa pu, ki cha bi dan ki nan gob si.

Esekiel 23:4

Bi nan yin upol na ke Ohola, uma le nan si Samaria aatiŋ aasisii, le ki yin uwaatiir na ke Oholiba, u mu le nan si Jerusalem aasisii. M nan yoor bimɔk bilee, le bi ma mbim tii mi.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 5:21

Bi nan jenn nyan u binib chee, le waalandak gur bi ke tiwakor aalandak na. U ni ibon i bi timoor ni na, le nan gur koo tɔb chee, ki ŋmɔ timoor ke unaa na, ki doo timoor ni, nibaa aa bii u pu limaln taa pii u. Gbelngbeln na, le u di naadii tii Uwumbɔr u kaa kpa ŋeen aatɔ na, ke uma le joo unibɔn aanaan mɔmɔk, ki ga ŋmaa di mu tii unii umɔk u gee u na.

Hosea 1:2

Uwumbɔr aah nan puen di Israel yaab aabɔr ti tuk Hosea na, u nan bui Hosea ke, “Ti ban upii ki yoor, aapuu ngbaan aan li ye upii kpala, le waabim mu ga li bi ke uma na la. Kina le maanib mu yii mi, kaa ye binib bi dii mi na.”

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 2:16

le ki ga ki yin mi ke uchal, waan ki yin mi waaninkpel ke waah yin liwaal Baal pu na.

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 5:15

“M ga siir cha maanib, ki ti saa buyoonn bi ga ji falaa u ŋeer baatunwanbir ki gir ban ni mi na. Nibaakan bi ga fenn ban mi limukl ngbaan ni.”