Hosea 2:3 - Uwumbɔr aagbaŋ

³ U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Hosea 2:3 ပူးပေါင်းရင်းမြစ်များ

Nnyam 17:3

Tɔ, nnyunyuu nan joo binib ngbaan pam, le bi nan ŋulni Moses pu. Bi nan bui ke, “Ba ŋa aa nyan ni timi Ijipt aatiŋ ni, ki cha nnyunyuu ban mu ku timi, ni timi aabim, ni timi aawakor?”

Aisaya 33:9

Ubaa aa ki ko kitiŋ ngbaan, le ki gur dɔ fam. Lebanonn aachoor na aasui yɔl, le Saronn aafataŋ ki aatiŋ ŋan na gur naahn nteer la, le Basann aatiŋ ni, ni Kamel Aajool pu aasui aafar gbar lir kitiŋ.

Aisaya 47:3

Binib ga kan saah chuun aaŋmeen pu na; bi ga kan ke bi jinn si inimɔɔn ki sunn si taab. M mu ga giin si mbiin mu aa ŋa mi na, le ubaa aan ŋmaa bui mi ke m di cha si.”

Aisaya 64:10

Ubaa aa ki bi saatim mu nan bi chain na ponn ni, le Jerusalem mu kpaln tilangbenn,

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Jeremia 13:26

Uwumbɔr ubaa le ga gbabr nimi ki cha nimi niŋmeen.

Jeremia 14:3

Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Jeremia 17:6

U naahn busub bu bi nteersakpiin ni, ki muuni kipɔɔk ki kuun na ni na la, ki bi kitiŋ ki pu nibaa aan ŋmaa li bi na. Tiwanyaan nibaa aa choo u chee.

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 22:6

“M chee kan, Juda aanaan aadichal ŋan ke Gilead aatiŋ, ni Lebanonn aajoo na la; le m ga ŋa li nin chee ubaa aan ŋmaa koo na.

Jeremia 4:26

Kitiŋ ki nan nyuun ki kpa tijikaar na nan kpaln nteersakpiin la; kaatim nan ber doo, Uwumbɔr aaŋuusakpeln pu.

Jeremia 51:43

Kaatim gur ye ijawaan aawan la, le ki gur bi ke nteersakpiin mu kaa kpa nnyun na. Ubaa aa koo ki ni kaa chuun nima chee.

Jeremia 51:5

Hali Israel ni Juda yaab aah tun mi Israel yaab Aawumbɔr u bi Chain na titunwanbir na, min Bidindaan Uwumbɔr Mpɔɔnsakpiindaan aa yii bi.

Esekiel 16:22

N‑yoonn mu mɔmɔk aa nan tun kidagook aatuln li sukr ponn ni na, saa nan teer saabiyar ni daalbaadaal ke saa nan gbab nibaa, le ki dɔ fenni aabaa aasin ni.”

Esekiel 19:13

Tɔ, bu gur si nteersakpiin ni la, kitiŋ ki kuun kaa kpa nnyun na ni.

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Hosea 2:10

M ga gbabr u ki cha u uŋmeen ubɔtiib aanimbil ni, le ubaa aan ŋmaa nyan u maapɔɔn ni.

Tibɔkpiirkaan 17:16

Saah kan iyiin kipiik i na ni upeel ngbaan ga li nan upiidagoor, ki ga yoor waawan mɔmɔk ki cha u chuun uŋmeen, ki ga ji waawon ki see u mmii;

Bibɔjirb 15:18

N‑yoonn ngbaan le nnyunyuu chuu Samsonn, le u yin Uwumbɔr ki bui ke, “Aa tii mi linyaŋ sakpeln; aa ga cha nnyunyuu le ku mi aan Filistia aanifam ngbaan nan chuu mi ii?”