Hosea 2:23 - Uwumbɔr aagbaŋ

²³ M ga maa maanib kaan kitiŋ ngbaan pu ki tii bi liwangol. M ga mɔk baah nan yin bi ke “Maa‑neen” bi na ngeehm, ki ga bui baah yin bi ke “Baa‑ye‑maanib” na ke “Bi‑ye‑maanib” la, le bi ga kii ke, “Aa ye timi Aawumbɔr la.”

Hosea 2:23 ပူးပေါင်းရင်းမြစ်များ

Ilahn 118:28

Aa ye Maawumbɔr la, le m dooni si, m ga moon saah kpa mpɔɔn pu na.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Ilahn 68:31

Bininkpiib ga nya ni Ijipt ki dan; Kus yaab ga yoor biŋaal paacham ki mee Uwumbɔr.

Ilahn 72:16

Cha tijikaar li bi waatiŋ pu; cha tijikaar li bi ŋigongon pu, ke Lebanonn aagongon pu na. Cha binib li gbii ntim ponn ni, ke timoor aah gbii ikpaakon ni pu na.

Solomonn Aalahn 2:16

Mbɔɔn ye min yoo la, le m mu ye u yoo. U kpiini waawakor nsupuun ponn ni la,

Aisaya 44:5

Binib ga dan ubaabaa ki nan bui ke, ‘M ye Uwumbɔr yoo la.’ Bi ga dan nan kpaan Israel yaab chee. Bi mɔmɔk ga ŋmee Uwumbɔr aayimbil paan biŋaal pu, ki li yin bibaa ke bi ye Uwumbɔr aanib la.”

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 31:27

“Min Uwumbɔr len ke n‑yoonn choo, le m ga cha Israel ni Juda aatiŋ gbiin binib ni tiwakor.

Jeremia 32:38

Bi ga li ye maanib, le m mu ye Baawumbɔr.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Esekiel 36:29

M ga nyan nimi tiwan ni mɔmɔk bii nimi na ni. M ga bui njikaabim le mu ŋa mbamɔm, le naan ki kan nkon daalbaadaal.

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 8:2

Bi yin mi ke Baawumbɔr la, le ki bui ke bi ye maanib le ki nyi mi,

Sekaria 10:9

M cha bi yaa ki koo ŋitimbol ni, bi mu ga li bi dandar le ki teer mbɔr. Bi ni baabim ga ŋmar, le ki kpaan gir kun ni.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Sekaria 14:16

Le binib bi mɔmɔk ŋmar ŋitimbol ŋi nan tak Jerusalem na ga li chaa nima libiln mɔk ni ki ti dooni Uwumbɔr Mpɔɔnsakpiindaan ke ubɔrkpaan na. Bi ga li chaa ti ji Tikakar mu aajim nima.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Rom Yaab 3:29

Uwumbɔr ye Juu yaab baanja Aawumbɔr la aa? Waa ye binib bi kaa ye Juu yaab na mu Aawumbɔr aa? Mbamɔn, u ye.

Jemisi 1:1

Min Jems, u ye Uwumbɔr ni Tidindaan Yesu Kristo aatutunn na, m dooni Uwumbɔr aanib bi yaa ki bi itingbaan mɔmɔk ni na.