Hosea 2:21 - Uwumbɔr aagbaŋ

^21-22 N‑yoonn ngbaan le m ga kii maanib Israel yaab aameel. M ga cha utaal nu kitiŋ pu, le kitiŋ ga ŋa tijikaar, ni ŋisubil ni olif aasui.

Hosea 2:21 ပူးပေါင်းရင်းမြစ်များ

Aisaya 55:10

Maamɔboln naahn likpakpal ni utaal u nyani kitaapaak ki nan sɔŋni kitiŋ na, ki cha tijikaar muuni, ki tii binib njikaabim mu bi bu na, ni tijikaar bi ji.

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Aisaya 65:24

Waahr aan bi nin mee mi doo na, m ga kii baameel.

Esekiel 36:29

M ga nyan nimi tiwan ni mɔmɔk bii nimi na ni. M ga bui njikaabim le mu ŋa mbamɔm, le naan ki kan nkon daalbaadaal.

Hosea 14:7

Bi ga ki li gur bi maajoom ni la. Bi ga kpenn ke kisaak na, ki ga lu ŋisubil ke ndaan aasui na. Bi ga li kpa liyimbil ke Lebanonn aasubil aadaan na.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Malakai 3:11

Maan cha tiwayukaan bii nimi aajikaar, le nimi aasubil aasui ga lu sakpen.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.