Hosea 2:20 - Uwumbɔr aagbaŋ

²⁰ M ga li joo maah puu tipuur ti na ki cha aa li ye min yoo, ki cha aa bee ke min le ye Uwumbɔr.

Hosea 2:20 ပူးပေါင်းရင်းမြစ်များ

Mpiin 9:10

ni tiwan nimɔk fu ki nan bi ni chee na, inyoon mɔmɔk, ni ipeel, ni tiwakor mɔmɔk, ni tiwan nimɔk dii nimi ki nyan ni buŋɔb ponn ni na.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 62:4

Ubaa aan ki yin si ke, “Baah yii u na,” kaan ki yin saatiŋ ke, “Upii u aachal san cha u na.” Saayimbipɔln le ga li ye ke, Hefsiba. Le saatiŋ mu yoo li ye ke, Bula, ba pu? Uwumbɔr aanimbil gbiin si, ki ga li bi ke chal na le ki tii saatiŋ.

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Esekiel 16:62

M ga ki gir fikr tipuur ti m nan puu tii si na, le aa bee ke min le ye Uwumbɔr.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Esekiel 34:25

M ga puu tipuur ti ga mɔk ke i ga li bi ŋŋmarm ni na tii i. M ga jenn nyan tipeewanbir mɔmɔk kitiŋ ngbaan ni, aan maapiih ga ŋmaa li bi ikpaakon, ni ŋŋmarm ni, ki doo tichoor ni.

Esekiel 34:27

Isui ga lu ŋisubil, tisar ga ŋa tijikaar, le unii mɔmɔk ga li bi waatiŋ pu, ŋŋmarm ni. M yaa kii maanib aakululn ki gaa bi binib bi nan di bi ŋa binaagbiib na chee lii kan, n‑yoonn ngbaan le bi ga bee ke min le ye Uwumbɔr.

Esekiel 38:23

Kina le m ga mɔk ŋitimbol mɔmɔk ke maapɔɔn nyaŋ, le m ye chain. N‑yoonn ngbaan le ŋi ga bee ke min le ye Uwumbɔr.”

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Hosea 2:19

Israel, m ga di si ŋa mpuu, maan nya aapuwɔb, ki ga li bi mbamɔm aa chee; m ga mɔk si ngeehm mu bi n‑yoonn mɔmɔk na, ni kinimbaak, ki cha aa li ye min yoo ki ti saa n‑yoonn mu kaa kpa ndoon na.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Liifai Yaab 26:5

Tijikaar ngbaan ga li wiir sakpen, le buyoonn ni bi ker ndaan aasubil na, ni ga li beenin bi chee tijikaar nimi aasar ni. Buyoonn ni bi ko ki bu nimi aajikaar na, ni ga li beenin bi ker ndaan aasubil mu. Naah ban tijikaar timɔk ni ji na, ni ga kan ti, le ki li bi kitiŋ ngbaan ni, ki li kpa nsuudoon.

Liifai Yaab 26:6

“M ga tii nimi nsuudoon nimi aatiŋ ngbaan ni, le ni ga li dɔ geen kaa san ijawaan ibaa. M ga kuln tipeewanbir timɔk bi nimi aatiŋ ni na, le butɔb aan ki li bi nima chee.

Maika 4:3

U ga toor ŋitimbol pam aabɔr; ki toor ŋitimbokpaan ŋi bi duun u na, ni ŋi bi ni daa na aabɔr. Bi ga di baajaak aajum mɔɔ ŋikuu ki di baakpaatunn mɔɔ gɔrk tiib. Ŋitimbol aan ki to tɔb butɔb, kaan ki gor bibaa kiir butɔb daalbaadaal.

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Tibɔnyaan ti Luk ŋmee ti na 10:22

“Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn aah ye udaan u na, see Nte Uwumbɔr. Ubaa mu aa nyi Nte Uwumbɔr aah ye udaan u na, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.”

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Jɔnn 8:55

Le naa nyi u. Min le nyi u. M yaa len ke maa nyi u kan, m ga li ye unyamɔndaan la, ke naah ye binyamɔndam pu na. M sil nyi u, ki joo waaliin.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Filipi 3:8

Ni ye mbamɔn la, m yii tiwan mɔmɔk ke naa ye nibaa, ke m li nyi Yesu Kristo u ye Ndindaan na. Maah nyi u pu na, nima le jer tiwan mɔmɔk. U pu le m di tiwan mɔmɔk lii, ke ni ye timoor la, ke m gaa uma,

Kolosiya 1:10

aan ki li dii Tidindaan waah ban pu na, aan ki gbiin unimbil, ki tun litunyaan aabɔŋ mɔmɔk, ki moo bee waabɔr.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

Hiibru Yaab 8:11

Bi ponn ni ubaa aan ki bui uŋeen aatɔ ke, ‘Bee Uwumbɔr.’ Ubaa mu aan ki bui una aabo ke, ‘Bee Uwumbɔr.’ Ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi.

1 Jɔnn 4:6

Tima kan, ti ye Uwumbɔr yaab la. Unii umɔk nyi Uwumbɔr na pel taah len pu na. Unii umɔk kaa ye Uwumbɔr yoo na aa pel taah len pu na. Nimina le ga cha ti bee binib bi kpa Uwumbɔr Aafuur Nyaan mu ye mbamɔn na, ni binib bi ye Yesu aadin aabɔnabtiib na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.