Hosea 2:2 - Uwumbɔr aagbaŋ

² Maabim, nina aa ki ye mpuu, le u mu aachal aa ki ye mi, tɔ, ni mu tee gaŋ u man. Gaŋ u ke u di cha kidagook.

Hosea 2:2 ပူးပေါင်းရင်းမြစ်များ

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Jeremia 19:3

Uwumbɔr nan bui mi ke m len ke, “Juda aabɔrb, ni Jerusalem aanib, li pel man, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ban m joo ni tibɔbir nan lii libuul lee pu, le unii umɔk ŋun ti pu na aapobil ga yuk.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 3:1

Uwumbɔr nan bui ke, “Uja yaa yii upuu, le u yaa fii ki ti mɔn uja uken kan, waan ti ki ŋmaa gaa ni u. Nimina ga bii kitiŋ kee kookoo la. Tɔ, Israel yaab, ni kan bɔtiib pam, le ki tee ki ban ke ni gir ni m chee.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 3:18

Israel yaab ga buen ti kpee Juda yaab pu, le bi mɔmɔk ga nya tinaagbiir ni, ŋŋangan wɔb aatiŋ na ponn ni, ki gir ni kitiŋ ki m nan di tii niyaajatiib ke ki li ye biyaan na pu.”

Esekiel 16:20

“Le aa di aajapɔtiib ni aabisatiib bi aa nan ma tii mi na toor kitork tii ŋiwaa. Nimina aa ye tibɔbir sakpen ke aa yii maah tuk si pu na,

Esekiel 16:25

Aa di kininsuŋ bii saanyaan. Aa di aabaa tii unii umɔk dan ke u ban si na, le nwiin mɔmɔk kan, aa moo ŋani aabaa udagoor.

Esekiel 20:4

“Unibɔn, aa gor ke aa ji bi tibɔr ki siin bi maah ga ŋa bi pu na aa? Tɔ, kina kan, ŋa kina. Teer bi bitetiib aah nan tun ŋitun ŋi sukr ponn ni na bɔr.

Esekiel 23:43

Le m bui mbaa ke bi joo upii u aaninsuŋ nyaŋ u na le ŋani udagoor.

Esekiel 23:45

Bininyaam ga bui ke baabɔr bii, kidagook ni linikul pu, ba pu? bi tun kidagook aatuln, le biŋaal ye nsin ŋmeen.”

Hosea 1:2

Uwumbɔr aah nan puen di Israel yaab aabɔr ti tuk Hosea na, u nan bui Hosea ke, “Ti ban upii ki yoor, aapuu ngbaan aan li ye upii kpala, le waabim mu ga li bi ke uma na la. Kina le maanib mu yii mi, kaa ye binib bi dii mi na.”

Hosea 2:1

Kina pu na, ni li yin ninaabitiib Israel yaab ke, “Uwumbɔr Aanib,” ki ki yin bi ke, “Uwumbɔr aah gee bi na.”

Hosea 4:5

Kinyeek ni nwiin pu mɔk ni moo bii cha, le bibɔnabr mu bi kina la. M ban m kuln nina Israel la.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.