Hosea 2:15 - Uwumbɔr aagbaŋ

¹⁵ M ga ki di waah nan kpa ndaan aasubil aasar ti na tii u, ki cha kifataŋ ki bi yin ki ke Tibɔbir aafataŋ na kpaln limakl aabisamɔb. Waah nan laa ye usapɔɔn, ki nyan ni Ijipt aatiŋ ni ki keei mi pu na, kina le u ga ki kii mi,

Hosea 2:15 ပူးပေါင်းရင်းမြစ်များ

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

Ilahn 106:12

Le waanib nan tii waah puu tipuur ti na naadii, ki gaa ilahn ki pak u.

Ilahn 129:1

Israel aatimbol, bui timi saah nan laa diin aan saadim muk si pu na aabɔr:

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Aisaya 65:21

Binib ga maa ŋidichal ki koo ŋi ponn ni bibaa, uniyayan aan koo ŋi ponn ni. Bi ga bu ndaan aasubil aasui ki nyu yaadaan, uniyayan aan nyu mu. Maanib ga li bi ki yunn ke isui na la. Bi ga ji nimɔk bi tun ki kan na aamɔɔn.

Jeremia 2:1

Uwumbɔr nan bui mi ke m di tibɔr tee

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 29:11

Min baanja le nyi maah dak ni pu pu na, ilandak i ye ke m joo ni nimi nkam kaa ye tibɔbir na, ilandak i ye ke m joo ni nimi fen u ni mak u pu na. N‑yoonn mu choo na kpa limakl;

Jeremia 3:4

“Le ni bui mi dandana wee ke, ‘Aa ye tite la, le taah nan ye mbim pu na, aa nan gee timi, ki beenin gee timi.

Jeremia 32:15

Uwumbɔr Mpɔɔnsakpiindaan, u ye Israel yaab Aawumbɔr na, bui ke bi ga nan ki daa ŋidichal, ni ikpaakon, ni ŋisubil aasar kitiŋ kee pu.”

Inandalahn 3:21

Le m yaa ti teer tiwan nibaa ni paa ni na pu kan, m ki kpa limakl.

Esekiel 16:22

N‑yoonn mu mɔmɔk aa nan tun kidagook aatuln li sukr ponn ni na, saa nan teer saabiyar ni daalbaadaal ke saa nan gbab nibaa, le ki dɔ fenni aabaa aasin ni.”

Esekiel 16:60

Saah nan laa diin aan m puu tipuur kpaan ti tii si na, m ga gbiin ti, le m ni si ki puu tipuur ti ga li bi n‑yoonn mɔmɔk na tii tɔb.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Esekiel 28:25

Tidindaan Uwumbɔr nan ki len ke, “M ga ki nyan Israel yaab maah nan cha bi yaa ki bi ŋitimbol ŋi na ni, ki cha ŋitimbol mɔmɔk bee ke m ye chain la. Israel aanib ga li koo bibaa aatiŋ pu la, kima le ye kitiŋ ki m nan di tii maatutunn Jakob na.

Esekiel 28:26

Bi ga li bi nima lifuur ni la. Bi ga maa ŋidichal ki ko ŋisubil aasar. M ga daa ŋitimbol ŋi nan lik bi fam na aatafal, le Israel aatiŋ ga kan nsuudoon. N‑yoonn ngbaan le bi ga bee ke min le ye Bidindaan Uwumbɔr.”

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Hosea 12:9

Le min Nidindaan Uwumbɔr, u nyan ni nimi Ijipt aatiŋ ni na, ga ki cha ni ki gir li koo igban aaboo ni, ke naah nan koo pu buyoonn m dan ni chee nteersakpiin ni na.

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Hosea 2:12

M ga bii ndaan aasubil aasui ni ŋisubil ŋiken aasui, i u bui ke waah tun tii ubɔtiib pu na le bi tii u na. M ga cha waadaan aasubil aasui ni ŋisubil ŋiken aasui na kpaln kichook, ipeel le ga bii ni mɔmɔk.

Amos 9:14

Le m ga giin ni maanib baatiŋ ni, le bi ga ki gir maa baatim mu nan ber doo na ki koo mu ni. Bi ga ŋum ndaan aasubil aasui ki nyu ŋaadaan, ki ga ko ikpaakon ki ji yaajikaar.

Sekaria 9:12

Nimi binaagbiib bi bi kitiyayaŋ ni na, ni kpa limakl dandana wee la; gir ni man, gir ni nin chee kpa lifuur na man. M tuk nimi la, m ga gir pa nimi tinyoor nfum mulee ki jer naah nan jin falaa pu na.

Nkahm 21:17

N‑yoonn ngbaan le Israel yaab nan gaa nlahn mue ke: “Inyunbun, cha nnyun puu ni ponn ni; le ti ga gaa ilahn kina pu,

Jɔnn 10:9

Min le ye Uwumbɔr aanaan ni aabisamɔb. Unii yaa dii mi ki koo ni kan, u ga ŋmar, ki ga koo ki nya ki gir koo, ki ga kan timosoon la.

Lituln 14:27

Baah fuu ni na, le bi yin Yesu aanib ke bi kuun ni, le ki tuk bi tiwan nimɔk Uwumbɔr cha bi ŋa na, ki tuk bi waah ŋa pu ki tii binib bi kaa ye Juu yaab na nsan ke bi gaa Yesu ki kii na.

Josua 7:26

le ki kuun ŋitakpal paan u pu; ŋi beenin dɔ nima ki nan saa din. Nima pu le bi yin nima chee ke Tibɔbir Aafataŋ. Le Uwumbɔr aaŋuul nin sɔŋ.

Bibɔjirb 8:34

kaa ki dooni Bidindaan Uwumbɔr u gaa bi baadim bi mann goln bi na chee lii na.