Hosea 2:13 - Uwumbɔr aagbaŋ

¹³ N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Hosea 2:13 ပူးပေါင်းရင်းမြစ်များ

2 Bibɔrb 1:2

Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

2 Bibɔrb 10:28

Jehu aah nan kuln liwaal Baal aadoon Israel aatiŋ pu pu na le na.

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

Job Aagbaŋ 8:13

Binib bi kaa nyi Uwumbɔr na bi kina la; bi yaa suln Uwumbɔr bɔr kan, baamakl doo le na.

Ilahn 106:13

Tɔ, naa yunn le bi kpaan suln waah tun pu na, le kaa sɔŋ bisui ke u sur bi, le ki ŋani baageehn.

Ilahn 106:21

Bi suln Uwumbɔr u nan di waapɔɔn sakpiin tun ŋitun Ijipt aatiŋ ni ki gaa bi lii na aabɔr.

Ilahn 78:11

Bi suln waah tun pu na, iwaan aatun ŋi u nan tun aan bi kan na, bi suln ŋibɔr.

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Aisaya 17:10

Israel yaab, ni suln Uwumbɔr bɔr; uma le nan nyan ni nimi ki kii nimi ke litakpasakpeln na. Naah tee ŋa pu na le ye ke ni ŋum ŋisubil aasui le ki dooni ŋiwaa.

Aisaya 65:7

baatunwanbir ni biyaajatiib aatunwanbir pu. Bi seer nnyɔknii tiwaachur ni ŋigongon paab ki len tibɔbir m pu. Kina pu na, m ga daa bitafal ki ŋeer baah tun pu na la.”

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 2:32

Upiisapɔɔn ga ŋmaa suln waaleenyaan pu uu? Ubɔndinn mu ga ŋmaa suln waakekenyaan pu uu? Le maanib ma aah suln m pu pu na, saan ŋmaa kahn iwiin ngbaan.

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Jeremia 7:9

Ni su kinaayuk, ki ku binib, ki gɔr kidagook, ki mɔni inyamɔn tipuur pu, ki toor kitork tii liwaal Baal, le ki dooni ŋiwaa ŋi naa nan nyi daalbaadaal na.

Inandalahn 1:4

Ubaa aa ki koo Uwumbɔr Aadichal ni ke u nan doon Uwumbɔr njim daal. Bisapɔm bi nan gaa ilahn nima na ji falaa la, le bitotoorb ker idun ŋmeen la. Kitiŋ aagoln aabisamɔi ni gur ye nkuun la, le Sionn aatiŋ aanib bi iween sakpen ni.

Inandalahn 5:14

Bininkpiib aa ki kaa kitiŋ aabisamɔb chee, le binachipɔm ni bisapɔm aa ki waa liwaal.

Esekiel 16:12

M nan tii si tafajɔnjɔn, ni kiyibubuuk ki ŋan sakpen na ke aa di buu aayil.

Esekiel 16:17

Aa nan di maah tii si tikunabr ni salmaa u na ŋa ŋiwaa ŋi naan bijab na ki dooni ŋi ki cha mi Uwumbɔr.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Esekiel 23:35

Tɔ, Aadindaan Uwumbɔr aah len pu na sɔ: “Saah suln mbɔr ki fenn aapuwɔb tii mi pu na, aa ga ji saajaakpakr ni saadagook aafalaa.”

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 13:1

N‑yoonn mu jer na, Efraim aanibol yaa nan len kan, ijawaan nan chur ŋinibol ŋi gur na la; ŋi mɔmɔk nan lik Efraim aanibol pu la. Le binib ngbaan dooni liwaal Baal, le ki ga kpo kina pu.

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Hosea 2:7

U ga li san paa ubɔtiib pu, le kaan pii bi. U ga ban bi, kaan kan bi, le ki bui ke, “M ga gir nchakpok chee la, nima chee nan soor ni maah gur bi pu na.”

Hosea 4:13

Ŋijoo paab le bi toor ŋiwaa, le ki seer nnyɔknii isui sakpiin i aabon taln buen dandar na taab, ŋigongon pu, isui aaboon aah mɔ ni chee na, kina pu le nibisatiib joo bibaa kooh, le nibipuutiib mu kpaln bidagoob.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.

Ikaal 6:12

ni li nyi ki taa suln Uwumbɔr u nyan nimi Ijipt yaab aaŋaal ni na, nin chee ni nan ye binaagbiib na, aabɔr.

Bibɔjirb 10:6

Israel aanib nan ki piin ki dooni ŋiwaa Baal, ni Astaate, le ki tun Uwumbɔr titunwanbir. Bi nan ki dooni Siria yaab, ni Saidonn yaab, ni Moab yaab, ni Amonn yaab, ni Filistia yaab aawaa mu. Bi nan suln Uwumbɔr bɔr, kaa ki dooni u.

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.

1 Samuel 12:9

Le binib ngbaan suln Bidindaan Uwumbɔr pu, le u mu cha Filistia yaab, ni Moab yaab aabɔr, ni Sisera, u ye Hasor aatiŋ aajab aaninkpel na, ni niyaajatiib jan, le bi nyaŋ niyaajatiib.