Hosea 2:12 - Uwumbɔr aagbaŋ

¹² M ga bii ndaan aasubil aasui ni ŋisubil ŋiken aasui, i u bui ke waah tun tii ubɔtiib pu na le bi tii u na. M ga cha waadaan aasubil aasui ni ŋisubil ŋiken aasui na kpaln kichook, ipeel le ga bii ni mɔmɔk.

Hosea 2:12 ပူးပေါင်းရင်းမြစ်များ

Ilahn 80:12

Ba ŋa aa chuu ber idɔ i aa nan di gob bu na? Unii umɔk jer bu chee dandana wee na ga ŋmaa su bu aasubil;

Aisaya 29:17

Liyataŋakl libaa bi ke, naan yunn le kichook kpaln baah ko nin chee na, le baah ko nin chee na ga ki kpaln kichook.

Aisaya 5:5

“Maah ga ŋa maasaak ngbaan pu na sɔ: M ga chuu ŋɔi idɔ i m nan di gob ki aan i kii ki na, le ipeel i bir na nan ŋmɔ ki, ki taa taa bii ki.

Aisaya 7:23

“N‑yoonn ngbaan yaa nan fuu ni kan, ŋisubil aasui aasar ti kpa isui lichur aan bi ga ŋmaa kooh ti tikur aamombil lichur na mɔmɔk ga kpaln ikokon aasui aasar la.

Jeremia 13:26

Uwumbɔr ubaa le ga gbabr nimi ki cha nimi niŋmeen.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Jeremia 8:13

“M nan ban ke m kuun maanib, ke uja aah kuuni waajikaar pu na la; le bi tee naahn ŋisubil aasub bu kaa lu na, ki naahn likakaln li kaa lu na; hali laafar gbar a. Kina pu le m cha biwɔwɔm gaa kitiŋ ngbaan.”

Hosea 13:8

M ga tak nimi ke kipeewanbiik ki aabim wɔŋ na, le ki daa par nimi. M ga di nimi ŋmɔ mala ke uchinn na libuul ngbaan ni, ki daa par par nimi ke kipeewanbiik na.

Hosea 5:14

M ga tak Israel ni Juda aanib ke uchinn na la. Min mbaa le ga daa par par bi, ki siir cha bi. M yaa nan dar bi cha kan, ubaa aan ŋmaa gaa bi lii.

Hosea 9:1

Israel aanib, taa ki ji nimi aajim ke binib bi kaa nyi Uwumbɔr na aah ŋani pu na. Ni fenn nipuwɔb tii nimi Aawumbɔr le kaa keei waamɔb. Kitiŋ kee mɔmɔk pu, ni di nibaa kooh ke upiidagoor na le ki di tii liwaal Baal, le ki gee tijikaar ti ni dak ke u joo pa nimi na.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.