Hosea 2:10 - Uwumbɔr aagbaŋ

¹⁰ M ga gbabr u ki cha u uŋmeen ubɔtiib aanimbil ni, le ubaa aan ŋmaa nyan u maapɔɔn ni.

Hosea 2:10 ပူးပေါင်းရင်းမြစ်များ

2 Bibɔrb Aabɔr 24:7

Atalia, upii beebeedaan na aadidiliib nan bii Uwumbɔr Aadichal ki nan joo tiwan ni ye chain na dooni liwaal Baal.

Ilahn 50:22

Nimi bi yii mi na, li pel man tibɔr tee, naa ye kina kan, m ga ku doo nimi, le ubaa aan li bi ki ga gaa nimi lii.

Ŋiyataŋak 11:21

Li nyi gbin gbin ke titunwanbirdam ga kan ntafadaan, le binib bi aabimbin ŋan na ma ga ŋmar.

Aisaya 3:17

Le m ga daa bitafal; m ga kuu baayikpir ki cha ŋiyikun.”

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Jeremia 13:26

Uwumbɔr ubaa le ga gbabr nimi ki cha nimi niŋmeen.

Esekiel 16:16

Aa nan di saakeken ŋibaa le toor saah dooni ŋiwaa nin chee na, ki joo aabaa tii unii mɔmɔk ke upiidagoor na.

Esekiel 16:19

M nan tii si tijikaar: n‑yon mu ŋan sakpen na, ni olif aakpan, ni tisiir, le aa di ni tii ŋiwaa ipiin ke ŋi ter si.” Aadindaan Uwumbɔr aah len pu na le na.

Esekiel 23:29

Le baah nan si na, bi ga gaa saawan ni mɔmɔk aa tun ki kan na, ki cha si aaŋmeen ke udagoor na. Saajaakpakr ni saadagook

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 13:1

N‑yoonn mu jer na, Efraim aanibol yaa nan len kan, ijawaan nan chur ŋinibol ŋi gur na la; ŋi mɔmɔk nan lik Efraim aanibol pu la. Le binib ngbaan dooni liwaal Baal, le ki ga kpo kina pu.

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Hosea 6:9

Bitotoorb na bi ke kinaayupaak ki ti dɔ nsan ni kiir unii na la. Hali bi yaa cha Sekem aatiŋ ki bi chain na ni kan, bi ku binib nsan ni la. Bi po nyi le ki tun titunwanbir timina mɔmɔk.

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.