Hosea 14:7 - Uwumbɔr aagbaŋ

⁷ Bi ga ki li gur bi maajoom ni la. Bi ga kpenn ke kisaak na, ki ga lu ŋisubil ke ndaan aasui na. Bi ga li kpa liyimbil ke Lebanonn aasubil aadaan na.

Hosea 14:7 ပူးပေါင်းရင်းမြစ်များ

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Ilahn 85:6

Ki tii timi mpɔɔn, aan timi saanib ga pak si.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Solomonn Aalahn 2:3

Mbɔɔn unyaan bi bijab biken ni ke linyɔkl aasub aah bi pu kichook aasui ni na la. M gee ke m li kaa bu aaboon ni, le bu aasubil mɔ m chee pam.

Solomonn Aalahn 4:11

Mbɔɔn, aamɔgban mirk ke tisiir na la; le aalambil bi ke nnaabiin ni tisiir na m chee. Saawanpeenkaan kpa Lebanonn aatulalee mɔmɔk aanunun.

Solomonn Aalahn 6:11

M sunn koo ni nkpan aasui ponn ni ke m nan kan tisubir ti bi kifataŋ ni na, ni ndaan aasubil aasui aafar aah bi kpenni pu na, ni ŋisubil ŋiken aasui aasupuun.

Aisaya 61:11

Njikaabim aah ŋani pu ki ti punn ki muuni na, kina le Tidindaan Uwumbɔr ga gaa waanib lii, le ŋitimbol mɔmɔk pak u.

Esekiel 17:23

m ga ti ŋum ni Israel aajool li fɔk jer ŋijoo mɔmɔk na pu. Ni ga ŋa ŋipan ki lu ŋisubil ki kpaln santina sakpiin. Inyoon mɔmɔk aabɔŋ ga li koo bu ni, ki kan lifuur bu aaboon ni.

Hosea 14:5

M ga li bi Israel aanib chee ke utaal aah bi pu kitiŋ ki kuun na chee pu na la. Bi ga pɔnn ke nsupuun na la; bi ga chɔbaan ke Lebanonn aatiŋ aasui na la.

Hosea 2:21

N‑yoonn ngbaan le m ga kii maanib Israel yaab aameel. M ga cha utaal nu kitiŋ pu, le kitiŋ ga ŋa tijikaar, ni ŋisubil ni olif aasui.

Hosea 6:2

U ga ki gaa timi iwiin ilee aakaasisik ni, le ti ga li bi unimbiin ni.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Jɔnn 11:25

Le Yesu bui u, “U fikr binib nkun ni, ki tii bi limɔfal na le ye min. Unii umɔk gaa mi ki kii na, u yaa kpo kan, u ga li kpa limɔfal.

Jɔnn 12:24

M tuk nimi mbamɔn la, bi yaa di lidibil libaa bun kan, li ga kpo le ki nin ŋa tijikaar sakpen; bi yaa kaa di li bun kan, laan kpo, ki mu aan ŋa tijikaar, li ga li ye libil libaa la.