Hosea 14:6 - Uwumbɔr aagbaŋ

⁶ Baanachipɔm ga li kpa limɔfal, ki li ŋan ke olif aakpan aasui na. Bi ga li kpa mbaan ke Lebanonn aasantina aasui na la.

Hosea 14:6 ပူးပေါင်းရင်းမြစ်များ

Mpiin 27:27

Waah fuu ute chee buyoonn ki ban u moor utakpiln na, le Aisak ŋun waawanpeenkaan aabaan, ki ŋa tinyoor ŋa Jakob pu. U nan bui ke, “Maabo aabaan naahn kisaak ki Uwumbɔr ŋa tinyoor ŋa ki pu na la.

Ilahn 128:3

Aapuu ga li bi ke ŋisubil aasub bu lu na le saachiln ni, le saabim ga li bi ke olif aasui i laa diin na saasambil taab.

Ilahn 52:8

Le mma bi ke olif aakpan aasub bu si Uwumbɔr Aadichal ni na; m kpa waageehm mu bi n‑yoonn mɔmɔk na pu limakl.

Ilahn 92:12

Binib bi aabimbin ŋan na ga ŋa tinyoor ke libɔkpal aasui na la; bi ga muun ke Lebanonn aasantina aasui na la.

Aisaya 27:6

Iwiin i choo na ni, Jakob aamaal, Israel yaab, ga nyal sil ke busub na, ki ŋeen ki lu. Kitiŋ kee ga gbiin baah tun ki kani pu na.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Jeremia 11:16

N‑yoonn mubaa m nan yin bi ke olif aasub bu kpa tifar mbamɔm ki lu ŋisubil ŋi ŋan na la; tɔ, dandana ma kan, mmii ga dam ke utaal aah gbenni pu na, le mu wun tifar ngbaan, ki kool ibon lii kitiŋ.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Matiu 13:31

Yesu nan ki ŋakl bi liyataŋakl liken ke, “Uwumbɔr aanaan naahn linaanyiimbil li uja ubaa nan di bun waakpaab ni na la.

Jɔnn 15:1

“Min le ye ndaan aasubil aasupuul bamɔnn na. Nte Uwumbɔr le ye ukpaal u lik busub ngbaan na.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.