Hosea 14:5 - Uwumbɔr aagbaŋ

⁵ M ga li bi Israel aanib chee ke utaal aah bi pu kitiŋ ki kuun na chee pu na la. Bi ga pɔnn ke nsupuun na la; bi ga chɔbaan ke Lebanonn aatiŋ aasui na la.

Hosea 14:5 ပူးပေါင်းရင်းမြစ်များ

2 Samuel 23:4

naahn kichakpinaanyeek ki daal aa kpa ntaalangbam na aawiin la, ki naahn nwiin mu cha timoor moor buyoonn utaal nun ki fir na la.”

2 Bibɔrb 19:30

Juda aanib bi ŋmar na ga pɔr ke isui i aasubon koo kitiŋ mbamɔm aan i lu ŋisubil sakpen na la.

Job Aagbaŋ 29:19

M nan bi ke busub bu aasubon kani nnyun n‑yoonn mɔmɔk aan bu aapan soon limaln na.

Ilahn 133:3

Ni naahn limaln li bi Hemonn Aajool paab, ki lir ni Sionn aagongon pu na la. Nima chee le Uwumbɔr puu ke u ga ŋa waanyoor ti ye limɔfal li kaa kpa ndoon na ŋa bi pu.

Ilahn 72:16

Cha tijikaar li bi waatiŋ pu; cha tijikaar li bi ŋigongon pu, ke Lebanonn aagongon pu na. Cha binib li gbii ntim ponn ni, ke timoor aah gbii ikpaakon ni pu na.

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Ilahn 80:9

Aa nan beer mpaan tii bu ke bu muun; busub ngbaan aanyaan nan chɔb baan, le bu taln gaa kitiŋ ngbaan mɔmɔk pu.

Ilahn 92:12

Binib bi aabimbin ŋan na ga ŋa tinyoor ke libɔkpal aasui na la; bi ga muun ke Lebanonn aasantina aasui na la.

Ilahn 92:13

Bi naahn isui i bi ŋum i Uwumbɔr Aadichal chee na la, bi muuni timi Aawumbɔr Aadichal aachiln ni la,

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Solomonn Aalahn 2:16

Mbɔɔn ye min yoo la, le m mu ye u yoo. U kpiini waawakor nsupuun ponn ni la,

Solomonn Aalahn 4:5

Saabii naahn ipeeyun la, ki bi ke ipeeman jaan le aah si nsupuun ponn ni ki ŋmɔ timoor na.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Aisaya 27:6

Iwiin i choo na ni, Jakob aamaal, Israel yaab, ga nyal sil ke busub na, ki ŋeen ki lu. Kitiŋ kee ga gbiin baah tun ki kani pu na.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 45:8

M ga cha linyaŋ nyan ni kitaapaak ke ntaanyun na; le kitiŋ ga waar kimɔb ki gaa, le ki kpaln lifuur ni ibamɔn ŋmeen. Min Uwumbɔr ga cha nimina ŋa.”

Aisaya 57:18

“M kan baah ŋa pu na, m mu tee ga tii bi laafee. M ga loln bi pu nsan ki ter bi, ki ga sɔŋ binib bi wii na aasui.

Aisaya 57:19

M tii binib bi duun na, ni binib bi dandar na mɔmɔk nsuudoon. M ga tii maanib laafee.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Maika 5:7

Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Matiu 6:28

“Ba pu ni cha ilandak muk nimi tiwanpeenkaan pu? Dakl lik mmopuun aah bi pu na man. Mu aa tun lituln, ki mu aa fik tikokonn.

Tibɔnyaan ti Luk ŋmee ti na 12:27

Dakl lik mmopuun aah bi pu na. Mu aa tun lituln, ki mu aa fik tikokonn. M tuk nimi la, Ubɔr Solomonn u nan pee tiwanpeenkaan nyaan na aawanpeenkaan aa nan ŋan ke mmopuun aah ŋan pu na.

Efesusi 3:17

ki ki mee u ke Kristo li bi nisui ni, naah gaa u ki kii pu na, ki ki mee u ke ngeehm li bi ni chee mbamɔm,

Ikaal 32:2

Maamɔkm ga lir ke utaal na la, le ki bi kitiŋ pu ke limaln na. Maamɔbon ga lir ke titaapupur aah lir timoor ti laa diin na pu na la, ki ki naahn ke utaal u lir yɔl yɔl timoor ti laa chiin na pu na.