Hosea 14:1 - Uwumbɔr aagbaŋ

¹ Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 14:1 ပူးပေါင်းရင်းမြစ်များ

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

Aisaya 19:22

Uwumbɔr ga daa Ijipt aanib aatafal, le ki mu ga ki sɔŋ bisui. Bi ga fenn dan u chee, le u ga ŋun baameel, le ki nyan bi baafalaa ni.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 4:1

Uwumbɔr bui ke, “Israel yaab, ni yaa ban ni fenn kan, ni fenn dan m chee. Ni yaa di cha nsan mu kpa tijɔŋ na ki kii maamɔb kan,

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 16:46

“Aakpel upol le ye Samaria aatiŋ ki ni kaatimbim bi ŋŋangan wɔb na. Aanaal le ye Sodom aatiŋ ki ni kaatimbim bi ŋŋangii wɔb na.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Esekiel 33:14

Nibaakan, m ga sak utunwanbirdaan ke u ga kpo, tɔ, u yaa di cha titunwanbir aatum, ki gur tun ni ŋan na kan, u ga ŋmar;

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Hosea 13:9

“Israel aanib, m ga kuln nimi. Le ubaa aan ŋmaa ter nimi.

Hosea 4:8

Maanib aatunwanbir pu le ni moo kani titunwanbir aatork aawangol, le ki ban ke bi li moo tun titunwanbir.

Hosea 5:5

Israel yaab aagaak mɔk ke bi kpa ngalm. Baatunwanbir cha bi gbeer le ki lir, le Juda aanib mu lir dii bi.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Hosea 9:13

M waa Efraim aanib bi lipepel li ŋan na ni, ke Taya aatiŋ na. Efraim mu ga nya baabim bi ti ku bi.

Hosea 9:7

Ntafadaan aayoonn fuu a, n‑yoonn ngbaan binib ga kan ni ŋeer bi na. Kina yaa nan ŋa kan, Israel yaab ga bee ni. Ni bui ke, “Uwumbɔr aabɔnabr umina ye ujɔr la. Unii u Nfuur Nyaan fir u pu ngbaan na aa ki kpa nlan la.” Nimi aatunwanbir aah nyaŋ na le kinanaŋ gbiin nimi.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.