Hosea 13:9 - Uwumbɔr aagbaŋ

⁹ “Israel aanib, m ga kuln nimi. Le ubaa aan ŋmaa ter nimi.

Hosea 13:9 ပူးပေါင်းရင်းမြစ်များ

2 Bibɔrb Aabɔr 28:23

U nan toor kitork tii Siria yaab bi nyaŋ u na aawaa. U nan bui ke, “Siria aawaa le ter Siria aabɔrb, kina pu na, m mu yaa toor kitork tii ŋi kan, nibaakan ŋi ga ter m mu.” Le kina aatuln joo ni tibɔbir nan lii u ni waatimbol pu.

Ilahn 146:5

Uwumbɔr aah ter unii u aan udaan kpa limakl Udindaan Uwumbɔr pu na kpa mpopiin la.

Ilahn 33:20

Ti di timi aamakl ŋa Uwumbɔr aaŋaal ni la; uma le ye u kii timi ki ter timi na.

Ilahn 46:1

Uwumbɔr le ye timi aakikiir, ni timi aapɔɔn, tibɔr aayoonn mɔmɔk kan, u gor le ki ter timi.

Ŋiyataŋak 6:32

Uja umɔk gɔr kidagook na aa kpa nlan kpala. U bi bii ubaa la.

Ŋiyataŋak 8:36

Unii umɔk aa ban kan mi na tii ubaa titotonn la; unii umɔk kaa gee mi na gee nkun la.”

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Jeremia 5:25

Le nimi aatunwanbir cha nimina mɔmɔk nyan niŋaal ni.

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Hosea 14:1

Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Hosea 7:15

Min le nan kpiin bi ki tii bi mpɔɔn, le bi fenn ki kpokl m pu.

Malakai 1:12

Le nima aa nyuŋni mi, ki bui ke maatork aabimbiln aa ye nibaa, le ki joo ni tijikaar ti ni lik seen ti na nan toor kitork li pu.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Malakai 1:9

Tɔ, nimi bitotoorb, pɔɔn nibaa man ki mee Uwumbɔr ke u li kpa ti pu tiŋann. Waan kii nimi aameel, ba pu? ni tii u ipiin i kaa ŋan na la.

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.