Hosea 13:7 - Uwumbɔr aagbaŋ

⁷ Kina pu le m ga tak nimi ke uchinn na. M ga doon nsan ni kiir nimi ke unaamuun na.

Hosea 13:7 ပူးပေါင်းရင်းမြစ်များ

Job Aagbaŋ 10:16

hali m yaa kan tinyoor kan, see aa taa taa chuu mi ke uchinn na; le ki kpaan tun lijinjiir aatun ke aa di tii mi titotonn.

Aisaya 42:13

Uwumbɔr ga jan ke upobidaan na; u gor ki jek ban butɔb la. U faa nkuun, nkuun mu ye butɔb aakuun na, u mɔk waadim waapɔɔn.

Jeremia 25:38

Uwumbɔr siir cha waanib ke uchinn aah siir cha waatakpaluŋ pu na la. Butɔb aajawaan, ni Uwumbɔr aaŋuusakpeln cha kitiŋ ngbaan kpaln nteersakpiin a.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Inandalahn 3:10

U nan dɔ kii mi ke kipeewanbiik na, le ki nan bib m pu ke uchinn na.

Hosea 5:14

M ga tak Israel ni Juda aanib ke uchinn na la. Min mbaa le ga daa par par bi, ki siir cha bi. M yaa nan dar bi cha kan, ubaa aan ŋmaa gaa bi lii.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Amos 3:4

Uchinn yaa kaa kee kan tinann kan, waan teen kipɔɔk ni. Uchinn u laa diin na yaa kaa chuu nibaa waabuu ni kan, waa ŋuuni.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Tibɔkpiirkaan 13:2

Upeel ngbaan nan naahn unaamuun la. Utaafar pɔɔ sakpen. Umɔb mu naahn uchinn aamɔb. Kipeewanbiik ngbaan le di waapɔɔn, ni waanaan, ni waapɔɔn sakpiin tii u.