Hosea 13:6 - Uwumbɔr aagbaŋ

⁶ Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Hosea 13:6 ပူးပေါင်းရင်းမြစ်များ

Nehemia 9:35

Saanyoor pu, le bibɔrb joo saanib buyoonn bi nan bi kitiŋ ki waa ki nyuun aan aa nan di tii bi na ponn ni, le bi beenin ŋani titunwanbir kaa dii si.

Ilahn 10:4

Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Aisaya 17:10

Israel yaab, ni suln Uwumbɔr bɔr; uma le nan nyan ni nimi ki kii nimi ke litakpasakpeln na. Naah tee ŋa pu na le ye ke ni ŋum ŋisubil aasui le ki dooni ŋiwaa.

Jeremia 5:7

Le Uwumbɔr baa ke, “Ni ga ŋa kinye aan m di maanib aatunwanbir cha pinn bi? Bi yii mi ki siir cha mi, le ki dooni ŋiwaa. M kpiin maanib le bi jin ti bab, le ki tee fii ti tun kidagook aatuln le ki chuun dii bipiib bi joo bibaa kooh na.

Esekiel 23:35

Tɔ, Aadindaan Uwumbɔr aah len pu na sɔ: “Saah suln mbɔr ki fenn aapuwɔb tii mi pu na, aa ga ji saajaakpakr ni saadagook aafalaa.”

Esekiel 28:5

Aa nan di nlan ŋa kitiirk aatuln ki kani tinyoor. Aa sil mak saawankpal pu.

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Hosea 2:7

U ga li san paa ubɔtiib pu, le kaan pii bi. U ga ban bi, kaan kan bi, le ki bui ke, “M ga gir nchakpok chee la, nima chee nan soor ni maah gur bi pu na.”

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Hosea 4:7

“Nimi bitotoorb aah wiir pu na, kina le naah tun mi titunwanbir ti na mu wiir, le ki ga cha m kpeln nimi aanyuŋ ŋa inimɔɔn.

Hosea 5:14

M ga tak Israel ni Juda aanib ke uchinn na la. Min mbaa le ga daa par par bi, ki siir cha bi. M yaa nan dar bi cha kan, ubaa aan ŋmaa gaa bi lii.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.