Hosea 13:2 - Uwumbɔr aagbaŋ

² Baah beenin naani tikur aawan ki dooni ni na, le bi beenin tun titunwanbir, bi dooni tikunabr aawaa ŋi unibɔn di waalan naan ŋi uyil ni, ki di uŋaal ŋa ŋi na. Le bi bui ke, “Toor kitork tii ŋi man.” Binib ga ŋa kinye ki moor ŋiwaa ŋi bi naan ŋi ke inaaja na?

Hosea 13:2 ပူးပေါင်းရင်းမြစ်များ

1 Bibɔrb 19:18

Le m ga cha binib ŋichur ŋilole ŋmar Israel aatiŋ pu, bima le ye bi mɔmɔk kii maamɔb, kaa gbaan liwaal Baal aanimbiin ni, kaa moor laanaŋ na.”

2 Bibɔrb Aabɔr 28:13

Bi nan bui ke, “Taa di binaagbiib ngbaan koo ni do man. Ti puun tun Uwumbɔr titunwanbir ti ga cha u daa titafal waaŋuul ni na. Le ni ki ban ke ni ŋa tiwan ni ga moo joo ni timi titunwanbir na.”

2 Bibɔrb Aabɔr 33:23

Tɔ, uma aa nan tee sunn ubaa taab ke ute na ki fenn toŋ Uwumbɔr. U nan kpaan ye utunwanbirdaan ki jer ute.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 30:1

Uwumbɔr len ke, “Binib bi joo Juda aatiŋ na aamɔfal junn a; ba pu? bi yii maamɔb. Bi dii isan i maa mɔk bi na; le bi ni biken kpaani kimɔbaan ki maa tuk bi ke bi kpaan na, le ki moo joo titunwanbir kpae titunwanbir pu.

Aisaya 44:11

Unii umɔk dooni li na ga nan ji inimɔɔn la. Binib bi naani ŋiwaa na po ye binibɔm la, kaa jer unibɔn. Cha bi dan man libɔjil ni, nima chee bi ga nan ji inimɔɔn, le ijawaan chuu bi.

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Aisaya 46:6

Binib piir baamombil aataakɔr ki nyan salmaa; bi ŋaŋni tikunabr aanyunyuun. Bi ga ban uchaa aan u mɔɔ bi liwaal; le ki gbaan ki doon li.

Aisaya 46:8

Nimi titunwanbirdam, teer man tibɔr timina; dakl lik maah ŋa pu na man.

Jeremia 10:4

le bi di tikunabr ni salmaa ŋaŋ bu, le ki di ikupiin kpaa chuu bu aan bu taa ŋmaa lir kitiŋ.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 8:5

Tɔ, maanib, ba ŋa ni fenn nipuwɔb tii mi kaa ki gir ni kpala? Ni bub joo nimi aawaa le kaan ki fenn dan m chee.

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 10:5

Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 11:2

Tɔ, buyoonn m moo yin u na, le u moo san m chee. Maanib toor kitork tii liwaal Baal la, le ki seer nnyɔknii tii ŋiwaa ŋiken.

Hosea 11:6

Butɔb ga ŋar baatim ŋŋaan ki gbaa wɔi mu aagon aabisamɔi. Maanib aah ŋani bibaa aageehn aatuln li na le ga cha butɔb bii bi.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Hosea 4:17

Ŋiwaa le chuu Israel aanib. Cha bi li dii baah gee nsan mu na.

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Hosea 8:5

Maa gee Samaria aanib aah di salmaa naan unaaja u ke u ye liwaal ki dooni u na. Maaŋuul fii bi pu sakpen a. Bayoonn aan bi ga di cha ŋiwaa aabɔr?

Hosea 8:6

Israel aawanaann ubaa le naan li, laa ye Uwumbɔr. Samaria yaab aah dooni salmaa aanaaja u na ga wii yuk yuk.

Nkahm 32:14

Le nimi titunwanbirdam bimina fii sil nitetiib aataa pu, ki ban ke ni bii Uwumbɔr aasui aan waaŋuul fii Israel yaab pu.

Rom Yaab 11:4

Uwumbɔr nan bui u kinye? U nan bui u, “M gur mbaa bijab ŋichur ŋilole bi kaa gbaan ki doon liwaal Baal na.”

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

2 Timoti 3:13

Le mbiindam ni biŋmaŋmannim ga moo tun titunwanbir ki li ŋmanni binib, le binib mu gir ki li ŋmanni bi.

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na: