Hosea 13:16 - Uwumbɔr aagbaŋ

¹⁶ Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Hosea 13:16 ပူးပေါင်းရင်းမြစ်များ

2 Bibɔrb 15:16

Menahem aah nan nyan Tirsa ki cha na, Tapua aatiŋ aanib aa nan tii u nsan ke u jer, kina pu na, u nan kuln ki ni kaanib, ni lipepel li mann goln ki na. U nan kpaan saa gbir bipiipudam mɔmɔk aapuu.

2 Bibɔrb 17:18

Uwumbɔr aaŋuul nan fii Israel yaab pu, le u nyan bi ubaa chee, ki di cha Juda aanaan baanja.

2 Bibɔrb 17:5

Salmaneser nan di waajab koo Israel aatiŋ ni, le ki ti gob Samaria aatiŋ. Bi nan bi nima ki ti saa ŋibin ŋitaa,

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

Aisaya 13:16

Bi ga li si lik kaa ŋmaa ŋa nibaa le bi chur baabim ti gbaa ku bi, le ki koo yoor baawan baadichal ponn ni, aan ki chur bipuutiib ki doon bi chee mpɔɔn.”

Aisaya 17:3

Israel aatiŋ aan ki li kpa unii u ga li kii ki na, le Damaskus aatiŋ aan ki li bi kibaa pu. Siria yaab bi ŋmar na ga ji inimɔɔn ke Israel yaab aah ji inimɔɔn pu na la. Min, Uwumbɔr Mpɔɔnsakpiindaan le len kina.”

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Hosea 10:2

Binib bi aasui ni ye ŋŋmann ŋmeen na ga ji baatunwanbir aafalaa. Uwumbɔr ga gbaa wii baawaa ni ŋaabimbin ngbaan ki tur ŋi lir.

Hosea 11:6

Butɔb ga ŋar baatim ŋŋaan ki gbaa wɔi mu aagon aabisamɔi. Maanib aah ŋani bibaa aageehn aatuln li na le ga cha butɔb bii bi.

Hosea 7:14

Baa joo bisui mɔmɔk mee mi, le ki labr lir kitiŋ le ki kaani ke binib bi kaa dii maasan na aah ŋani pu na. Bi yaa bi mee ban njikaabim ni ndaan kan, bi joo njum le geei bibaa ke binib bi kaa dii maasan na aah ŋani pu na. Bi ye binib bi kaa keei min Uwumbɔr aamɔb na la.

Amos 1:13

Uwumbɔr ki len ke, “Amonn yaab aah tun titunwanbir n‑yoonn mɔmɔk pu na, kina le ga cha m sil daa bitafal. Baah nan jaa kijaak ki ban ntim bi kpee baatiŋ pu na, bi nan ŋa Gilead yaab mbiin pam ki saa gber baapudam aapuu ki nyan mbipɔm.

Amos 3:9

Moon ki tuk binib bi mɔmɔk bi Ijipt ni Asdod aabɔrdichal ni na ke, “Kuun man ki buen ŋijoo ŋi mann goln Samaria aatiŋ na, ki ti lik tiwan yɔl yɔl ni titunwanbir ti bi ŋani nima chee na.”

Amos 9:1

M nan kan Uwumbɔr si gbɔk kitork aabimbiln, le ki tii waamɔboln ke: “Faa man Maadichal aagon mpɔɔn pu aan kaadipimoor deŋ. Gbaa wii ŋi aan ŋi lir binib ngbaan aayil pu man. M ga ku binib bi gur na butɔb ni la. Ubaa aan san ŋmar; ubaa kina aan ŋmar. Hali bi yaa gbii ibuu ki koo kitekpiitiŋ ni kan, m ga chuu bi.

Maika 1:4

Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Nahum 3:10

Le bi nan yoor Tebes aanib buen tinaagbiir ni. Bi nan gbaa ku baabim bil kitiŋ ngbaan aalɔlɔnn mɔmɔk ni. Bi nan di tikululn le gbin binib bi ye baasalolm na, le ki yakr bi tii binib bi nan nyaŋ bi ki chur bi na.