Hosea 13:15 - Uwumbɔr aagbaŋ

¹⁵ Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Hosea 13:15 ပူးပေါင်းရင်းမြစ်များ

Mpiin 41:23

Le likalmaan liken mu si ki ŋmeen ŋikalmaankpab ŋilole ŋi kaa gbei, ki bi ke ntaaweel aakalmaan na,

Mpiin 41:52

U nan ki bui ke, “Uwumbɔr le tii mi mbim limukl aatiŋ ni,” nima pu le u nan ki yin lelee aabo ke Efraim.

Mpiin 41:6

Le u ki kan likalmaan liken mu si ki mu ŋmeen ŋikalmaankpab ŋilole, ŋaa gbei, ki mu bi ke ntaaweel aakalmaan na,

Mpiin 48:19

Le ute yii, ki bui u ke, “Maabo, m nyi kina. Manase aamaal mu ga ŋa litimbosakpeln. Le unaal Efraim ga li ye u pu unikpaan, le waamaal mu ga ŋa ŋitimbosakpeln.”

Mpiin 49:22

Sin Josef, aa naahn busub bu si gbɔk nnyunbun ki lu ŋisubil sakpen na la, le aayaabitiib ga li wiir ki yaa buen ni mɔmɔk.

Job Aagbaŋ 18:16

Waasubon ni ŋipan yɔl ki kuur a.

Ilahn 1:4

Le titunwanbirdam ma aa bi kina kpala; bi naahn tigbengbir ti libuln daar joo cha na la.

Ilahn 109:13

Cha uyaabitiib mɔmɔk kpo, ki cha n‑yoonn mu choo na yaab suln waayimbil bɔr.

Aisaya 14:21

Cha linikul piin man. Ubɔrkpaan umina aajapɔtiib ga kpo biyaajatiib aatunwanbir pu. Bi ponn ni ubaa aan ki joo kitiŋ kee, ki mu aan maa ntim ki pu.”

Aisaya 17:13

Ŋitimbol san ni ke tinyunkpenn na, le Uwumbɔr teen bi pu, le bi gir bipuwɔb mala ke kitangbaak aah san sunni ligongoln taab pu na, ki naahn kimook aah bi kinaakpaajabuŋ ponn ni pu na.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Jeremia 20:5

M ga ki cha baadim nan gaa kitiŋ kee aawangol mɔmɔk mpɔɔn, ki gaa kaawan mɔmɔk, ni ikpaakon, hali ki gaa Juda aabɔrb aawangol, ki di ni mɔmɔk buen Babiloŋ aatiŋ ni.

Jeremia 4:11

N‑yoonn choo, le bi ga nan bui Jerusalem aanib ke libuln li ton sakpen na nyan nteersakpiin ni ki choo bi chee. Laan li ye libuln li bi suuna ki daar tigbengbir cha na.

Jeremia 4:12

Libuln li Uwumbɔr ga cha li dan na ga li pɔɔ jer lima ngbaan. Uwumbɔr ubaa le bi dar waanib aatafal.

Jeremia 51:1

Uwumbɔr len ke, “M ban m cha libuln li bii tiwan na le daa Babiloŋ aatiŋ ni kaanib pu.

Jeremia 51:36

Uwumbɔr nan bui Jerusalem aanib ke, “M ga gaa nimi aabɔr ki cha nimi aadim pa baah ŋa nimi pu na pu. M ga cha Babiloŋ yaab aanyun aah nyan ni nin chee na kuur, ki cha baamɔɔ foor.

Esekiel 17:10

Mbamɔn, bi ŋum bu a, tɔ, bu ga li bi ki ŋa busub aa? Liwipuul wɔb aabuln yaa daa bu pu kan, bu aan yɔl aa? Bu aan yɔl bu aah si nin chee na aa?”

Esekiel 19:12

Tɔ, liŋuul aaŋaal nan daa ŋɔb bu, ki di bu mee bil kitiŋ. Liwipuul wɔb aabuln nan daa kuur bu aasubil. Bi nan bar bar bu aapan, le ŋi kuur aan bi di tuur mmii.

Daniel 11:8

U ga yoor baawaa, ni salmaa, ni tikunabr aawan ni bi nan di tii baawaa ngbaan na mɔmɔk ki di gir buen Ijipt aatiŋ ni. Ŋibin siib ga jer ki li ye nsuudoon aabin la;

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 2:3

U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u.

Hosea 4:19

Uwumbɔr ga di bi buen ke kinaakpaajabuŋ le aah daar bi cha na, le inimɔɔn ga chuu bi ŋiwaa aatork pu.

Hosea 9:11

Israel aayimbil ga fii buen ke unyoon na, le baan ki maa mbim, bipudam mu aan ki li bi, baan ki dek mbim aapuu.

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”

Nahum 2:9

Gaa tikunabr ngbaan mpɔɔn man. Gaa salmaa ngbaan mpɔɔn man. Kitiŋ ngbaan ponn ni gbii liwangol la.

Ikaal 33:17

Josef aapɔɔn bi le ke unaaja aapɔɔn na, ki pɔɔ ke upɔɔnaa aayiin na, Mubaa le ye Manase aataŋaal ni aanibol aachur na, le muken ye Efraim aataŋaal ni aanibol ŋichur kipiik. U ga di waapɔɔn ngbaan le nyaŋ ŋitimbol ŋi bi na, ki tur ŋi buen dandar.”