Hosea 13:13 - Uwumbɔr aagbaŋ

¹³ Israel yaab kpa limɔfal aamakl, le ki tee jɔr sakpen ke bi kan limɔfal ngbaan, bi jɔr ke ubo u una ban u maa u aan u yii ke waan nya ni na la.

Hosea 13:13 ပူးပေါင်းရင်းမြစ်များ

2 Bibɔrb 19:3

Waah nan bui bi ke bi ti bui Aisaya pu na sɔ: “Din aawiin mue ye timi falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

Ilahn 48:6

Ijawaan ni falaa sakpiin le nan chuu bi nima chee, ke upii u ban u maa ubo na,

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Aisaya 13:8

Ijawaan ga chuu bi mɔmɔk, le iween nyaŋ bi, ke imalween aah nyaŋni upudaan pu na. Bi ga li lik tɔb ki san ijawaan la, le inimɔɔn ga ku bi.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Aisaya 26:17

Sin Uwumbɔr, aa cha ti wii mpɔɔn pu, ke imalween aah joo upii kan, u wii pu na.

Aisaya 37:3

Waah nan bui bi ke bi ti bui Aisaya pu na sɔ: “Din aawiin mue ye falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

Aisaya 66:9

Taa dak ke m ga cha maanib kan imalween kaan maa.” Uwumbɔr le len kina.

Jeremia 13:21

Binib bi aa nan dak ke bi ye aajɔtiib na yaa nan nyaŋ si ki joo si kan, aa ga len kinye? Aa ga nan li bi iween ni, ke upii u ban u maa na la.

Jeremia 22:23

Ni kaa santina bi bi joo ni bi nyan ni Lebanonn aatiŋ ni na ponn ni le ki fuur; tɔ, iween i wu ke upii aamalween na yaa nan pii nimi kan, le ni ga ŋa kinimbaak aanib.

Jeremia 30:6

Tɔ, sil man ki dakl lik. Uja ga ŋmaa maa ubo oo? Tɔ, ni ŋa kinye aan m waa uja mɔmɔk bub joo upuul ke upii u ban u maa na? Ba ŋa unii mɔk naahn ubun kina?

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 49:24

Damaskus aanib aawon yɔl le ijawaan cha bi san. Iween ni falaa joo bi ke imalween aah joo upii pu na la.

Hosea 5:4

Binib ngbaan aah tun titunwanbir ti na le cha baa ŋmaa gir ni Baawumbɔr chee. Ŋiwaa kpa bi pu mpɔɔn, le baa ki nyi Uwumbɔr.

Jɔnn 16:21

Upii yaa ban u maa ubo kan, u ga li kpa mpombiin waafalaa pu. U ti ma ubo doo kan, waan ki teer falaa ngbaan aabɔr, u ga li kpa mpopiin la; ba pu? unipɔɔn koo ni udo.

Jɔnn 5:4

ba pu? nwiin nwiin le Uwumbɔr aatuun ubaa sunn ni ki nan koo nnyunbun ni, ki ti kur nnyun. Bundaln u yaa ti dan nan kur nnyun na kan, ubun u puen koo nnyun ni na kan, le u pɔɔk.]

Lituln 24:25

ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

2 Korenti 6:2

Uma Uwumbɔr le len ke, “Naah ŋeer pu na, le m pel saameen. Bundaln ni ŋeer ke m gaa si lii na, le m ter si.” Li pel man, din le ni ŋeer. Din le ye n‑yoonn mu u ga gaa si lii na.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.