Hosea 13:10 - Uwumbɔr aagbaŋ

¹⁰ Ni nan bui ke ni ban ubɔr ni bisalolm la; tɔ, bi ga ŋa kinye ki gaa litimbol ngbaan lii?

Hosea 13:10 ပူးပေါင်းရင်းမြစ်များ

1 Bibɔrb 12:20

Israel aanib aah ŋun ke Jeroboam nyan ni Ijipt aatiŋ ni ki gir ni na, le bi yin u buen nkuun ni, ki di u kaan Israel yaab aabɔr. Juda aanibol baanja le nan beenin si David aayaabitiib aachaŋ ni mbamɔm.

2 Bibɔrb 17:4

Tɔ, libiln libaa ni, le Hosea nan tun Ijipt yaab aabɔr So chee, ke u nan ter u, le kaa ki pa libiln libiln aapar tii Asiria aatiŋ aabɔrkpaan. Salmaneser aah ŋun kina na, le u cha bi chuu Hosea ti laŋ kiyondiik ni.

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 149:2

Israel yaab, li kpa mpopiin Uwumbɔr u nan ŋa nimi litimbol na pu; Sionn yaab, li mɔɔni Uwumbɔr u ye nimi aabɔr na pu man.

Ilahn 44:4

Sin le ye Maawumbɔr ni maabɔr; aa tii saanib linyaŋ,

Ilahn 74:12

Uwumbɔr, mpiin na, sin le nan ye timi aabɔr; n‑yoonn, n‑yoonn pam le aa gaa timi lii.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 43:15

Min le ye Nidindaan Uwumbɔr u bi chain na. Min le naan nimi Israel yaab, ki ye nimi aabɔrkpaan.”

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Inandalahn 4:20

Bi nan chuu timi aabɔr u ye timi aamɔfal na; uma le Uwumbɔr nan lee, le ti nan kpa limakl u pu ke u ga li kii timi bidim chee.

Hosea 10:3

Binib ngbaan ga piin ki bi len ke, “Taah kaa san Uwumbɔr na le taa kpa ubɔr. Tɔ, ubɔr ba ga ŋmaa ŋa ba tii timi?”

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Hosea 7:7

“Baaŋuul aakaasisik ni le bi ku baajojoob. Bi ku baabɔrb paani tɔb pu la. Le ubaa aa tee mee mi ki ban nterm.”

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Jɔnn 1:49

Le Natanael bui u, “Umɔmɔkr, aa sil ye Uwumbɔr Aajapɔɔn. Aa ye Israel yaab Aabɔrkpaan la.”

1 Samuel 8:7

le Uwumbɔr bui u ke, “Ŋun binib ngbaan aah len pu na mɔmɔk. Naa ye sin le bi yii, min le bi yii ke maa ye baabɔr.