Hosea 12:7 - Uwumbɔr aagbaŋ

⁷ Uwumbɔr bui ke, “Israel aanib ji biŋeen aatɔtiib ke Kanaann yaab na la; bi gee ke bi li joo tiwan ni kaa ye nibamɔnn na le ŋaŋni tiwan ki ji binib bi daa bi chee tiwan na.

Hosea 12:7 ပူးပေါင်းရင်းမြစ်များ

Mpiin 49:18

Uwumbɔr, m kii saah ga gaa mi lii pu na la.

Ŋiyataŋak 11:1

Uwumbɔr nan binib bi joo beebee aawaŋaŋkaan ŋaŋni tiwan na. Usui piin tiwaŋaŋkaan ni ye nibamɔnn na pu.

Ŋiyataŋak 16:11

Tiwaŋaŋkaan ni ye nibamɔnn na nyan ni Uwumbɔr chee la. Uma le ŋa tiwaŋaŋkaan mɔmɔk naah bi pu na.

Aisaya 3:5

le unii mɔmɔk ŋa uŋeen aatɔ waageehn. Binachipɔm ni bisapɔm aan li pak bininkpiib, le binib bi kaa bi tibaa ni na aan ki li pak binib bi jer bi na.

Aisaya 56:1

Uwumbɔr bui waanib ke, “Li ŋani man tiwan ni ŋan ki tok na, ba pu? naan ki yunn le m ga gaa nimi lii.

Esekiel 16:3

Tuk Jerusalem aatiŋ Kidindaan Uwumbɔr aah joo pu tuk ki na: “Bi nan ma si Kanaann aatiŋ pu la. Aate nan ye Amor aaja la, le aana ye Hef aapii.

Esekiel 22:29

Biwankpadam su kinaayuk le ki ji binib pem pem. Bi ŋani bigiim mbiin le ki ji biwɔwɔm ke baah ye bicham na pu.

Esekiel 28:5

Aa nan di nlan ŋa kitiirk aatuln ki kani tinyoor. Aa sil mak saawankpal pu.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Amos 3:9

Moon ki tuk binib bi mɔmɔk bi Ijipt ni Asdod aabɔrdichal ni na ke, “Kuun man ki buen ŋijoo ŋi mann goln Samaria aatiŋ na, ki ti lik tiwan yɔl yɔl ni titunwanbir ti bi ŋani nima chee na.”

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Maika 2:1

Tibɔbir bi binib bi dɔ dak titunwanbir pu kinyeek na pu. Kitaak yaa woln, aan bi kan nsan siib na, le bi ŋa titunwanbir ti bi kpokl na.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Sekaria 14:21

Ŋikumbuu ŋimɔk bi Jerusalem ni Juda aapepel liken mɔmɔk ni na ga kpaln Uwumbɔr Mpɔɔnsakpiindaan aadoon aawan la. Binib bi toor kitork na ga li joo ŋima le ŋaani kitork aanann. N‑yoonn ngbaan yaa nan fuu ni kan, binib bi tiir kitiirk na aan ki li bi Uwumbɔr Mpɔɔnsakpiindaan Aadichal ni.

Sekaria 5:8

Le ntuun ngbaan nan bui ke, “Upii umina le si mbiin aasisii,” le ki tur u bil kibɔɔkuuk ngbaan ni, ki di libiil biin.

Sekaria 7:9

“N‑yaayoonn na le m nan di ikaal imina tii maanib. Ima le ye ke: ‘Ni cha ibamɔn li bi, ki li gee tɔb ki san tɔb kinimbaak.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Jɔnn 2:16

U nan tuk binib bi kooh ŋinanjel na, “Di ŋinanjel ngbaan nyan lipaal man. Ni taa ki di Nte Uwumbɔr Aadichal ŋa kinyaŋ.”

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”