Hosea 12:11 - Uwumbɔr aagbaŋ

¹¹ Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Hosea 12:11 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 2:20

Tidindaan Uwumbɔr le len ke, “Israel yaab, naah yii maamɔb na, ni yunn pam; ni yii, kaa kii maamɔb, kaa dooni mi. Ni dooni ŋiwaa ŋi ni bui ke ŋi kpa timar na ŋigongon ŋi paa na pu, ni bususoom mɔmɔk taab.

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Esekiel 17:2

“Unibɔn, ŋakl Israel yaab liyataŋakl limina,

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 10:2

Binib bi aasui ni ye ŋŋmann ŋmeen na ga ji baatunwanbir aafalaa. Uwumbɔr ga gbaa wii baawaa ni ŋaabimbin ngbaan ki tur ŋi lir.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 6:8

Gilead ye kitiŋ ki gbii titunwanbirdam ni binikurb na la.

Hosea 8:11

“Israel aanib aah moo maa kitork aabimbin ke bi kan titunwanbir aachapinn na, kina le bi moo kani nin chee bi ga tun titunwanbir na.

Hosea 9:15

Uwumbɔr bui ke, “Baatunwanbir mɔmɔk nan piin Gilgal aatiŋ ni la. Maa ki gee bi nima chee. Le baah tun titunwanbir ti na pu, m ga jenn nyan bi maatiŋ pu. Maan ki li kpa bi pu ngeehm; baasalolm mɔmɔk fii sil m pu la.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Amos 5:5

Taa ki buen Beerseba ke ni ti mee limeel. Taa buen Betel, ke ni ban mi. Betel aatiŋ ga nan doo fam la. Taa buen man Gilgal aatiŋ ni mu, bi ga di nima yaab buen tinaagbiir ni.”

Jona 2:8

Binib bi dooni ŋiwaa ŋi kaa po kpa tinyoor tibaa na yii saanimbaasaln.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.