Hosea 12:1 - Uwumbɔr aagbaŋ

¹ “Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 12:1 ပူးပေါင်းရင်းမြစ်များ

Mpiin 41:6

Le u ki kan likalmaan liken mu si ki mu ŋmeen ŋikalmaankpab ŋilole, ŋaa gbei, ki mu bi ke ntaaweel aakalmaan na,

2 Bibɔrb 15:19

Asiria aatiŋ aabɔrkpaan Tiglaf Pileser nan koo ni Israel aatiŋ ni, le Menahem tii u tikunabr ti aanyunyuun ga pii njikaabim kuruwaa ŋichur piitaa ni ŋinaa aanyunyuun na ke u ter u ki tii u mpɔɔn Israel aatiŋ pu.

2 Bibɔrb Aabɔr 21:11

U nan kpaan maa baah dooni ŋiwaa nin chee na Juda aagongon aatim ni, ki cha Juda ni Jerusalem aanib tun Uwumbɔr titunwanbir.

Ilahn 78:36

Tɔ, baamɔbon tee ye inyamɔn la; baabɔr mɔmɔk aa gbiini.

Jeremia 2:36

Ni di nibaa ŋa dafir aanib, naah chuun dii ŋitimbol ŋiken aawaa pu na pu. Ijipt yaab ga jinn nimi inimɔɔn ke Asiria yaab aah nan ŋa nimi pu na.

Jeremia 22:22

Naah tun titunwanbir pu na, le libuln ga daa nimi aayidam buen, le bidim ga chur nimaantɔtiib butɔb ni tinaagbiir, le nimi aatiŋ jin inimɔɔn.

Jeremia 7:15

M ga jenn nyan nimi nnimbiin ni, ke maah nan jenn nido yaab, Israel aanib pu na. Min Uwumbɔr le len kina.”

Inandalahn 5:6

Ti chuun mee Ijipt yaab ni Asiria yaab tijikaar ti ti ga ji ki li bi na la.

Esekiel 17:10

Mbamɔn, bi ŋum bu a, tɔ, bu ga li bi ki ŋa busub aa? Liwipuul wɔb aabuln yaa daa bu pu kan, bu aan yɔl aa? Bu aan yɔl bu aah si nin chee na aa?”

Hosea 11:12

Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Hosea 11:9

Maan daa aatafal maaŋuul ponn ni; maan ki kuln Israel yaab, ba pu? M ye Uwumbɔr la, maa ye unibɔn. Min u bi chain na bi ni chee. Maan dan ni chee maaŋuul ponn ni.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 4:19

Uwumbɔr ga di bi buen ke kinaakpaajabuŋ le aah daar bi cha na, le inimɔɔn ga chuu bi ŋiwaa aatork pu.

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Hosea 8:7

Bi yaa bun libuln kan, kitaabuŋ le bi ga nan chee. Njikaabim mu bi nkpaakon ni kaa biir na aan ŋmaa ŋa tijikaar. Hali mu yaa biir kan, biwɔwɔm le ga di mu ŋmɔ.