Hosea 11:8 - Uwumbɔr aagbaŋ

⁸ Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Hosea 11:8 ပူးပေါင်းရင်းမြစ်များ

Mpiin 14:8

Le bibɔrb bi bi Sodom, ni Gomora, ni Adma, ni Seboyim, ni Bela aatim ni na, ni baajab nan kuun buen Sidim aafataŋ ni,

2 Samuel 24:16

Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

1 Bibɔrb 3:26

Ubodaan aasui aah nan gee waabo sakpen pu na, le u bui ubɔr ke, “Mpɔɔndaan, m gaŋ si, taa ku ubo ngbaan. Di u tii u.” Le uken na ma bui ke, “Taa di u tii ti ponn ni ubaa; cha bi gaa gii u nfum mulee.”

2 Bibɔrb 13:23

le Uwumbɔr nan kpa tibulchinn ki san bi kinimbaak. Waa nan kii ke bi kuln bi, le ki ter bi waah nan puu tipuur ti tii Abraham, ni Aisak, ni Jakob na pu. Waa kee suln waanib bɔr daalbaadaal.

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Ilahn 106:45

Bima pu le u teer waah nan puu tipuur ti na, le waageehm sakpem pu, u sɔŋ usui.

Aisaya 16:11

M ker idun ni mpombiin, Moab ni Kir Heres aatim aanib pu.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Jeremia 18:8

aan litimbol ngbaan yaa yii laatunwanbir kan, maan ki kuln li ke maah bui ke m ga ŋa li pu na.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 42:10

‘Ni yaa ban ke ni li beenin bi kitiŋ kimina pu kan, m ga maa nimi ŋidichal ki taa bii nimi, m ga cha ni moo chɔbaan ki taa ki kpokl lir. Maah nan cha libiil li dan ni pu na tii mi mpombiin pam.

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Inandalahn 1:20

Uwumbɔr, lik maah bi ntoton mu ponn ni na. Maatunwanbir bii nsui mɔmɔk doo. Bi ku binib kitiŋ ponn ni, hali tidir mu ni, bi ku binib la.

Inandalahn 3:32

Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Inandalahn 3:33

Ti yaa bi ji falaa kan, naa ye tiwan ni mɔ u na.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Esekiel 6:9

nin chee bi ga li bi tinaagbiir ni na. Nima le bi ga ti teer mbɔr ki bee ke min le daa bitafal ki jinn bi inimɔɔn, bisui i kaa ŋani maah len pu na, ki yii mi ki labr dii ŋiwaa na pu. Baah tun titunwanbir ki ŋani tiwan ni bii binib aayimbil na pu, le biponn ni ga li sukr bibaa pu.

Hosea 6:4

Le Uwumbɔr bui ke, “Israel ni Juda yaab, m ga ki ŋa nimi kinye? Naah kpa ngeehm mu m pu na fir mala ke kichakpiik ni aakpakpal na la, ki naahn limaln li fir nchakpawiin pu na.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Amos 7:3

Le Uwumbɔr kpeln waalandak ki bui ke, “Saah kan tiwan ni na aan ŋa kina.”

Amos 7:6

Le Uwumbɔr ki kpeln waalandak ki bui ke, “Nimina mu aan ki ŋa kina.”

Maika 5:3

Kina pu na, Uwumbɔr ga di waanib tii baadim, kaan ki gar bi ki ti saa buyoonn upii u ban u maa na maa waabijabo. Le Israel yaab bi bi biwɔwɔm aatiŋ ni na, ni bi bi Israel aatiŋ ni na ga ki kpaan tɔb chee.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Ikaal 29:22

“Niyaabitiib bi ga paa ni nipuwɔb na, ni biwɔwɔm bi nyan ntim mu daa na ni na, ga nan kan tibɔbir ni falaa u Uwumbɔr di lii nimi aatiŋ pu na.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 11:8

Le ŋinikpol ngbaan ga li dɔ kitisakpeŋ na aasan ni. Uwumbɔr yin kitiŋ ngbaan ke Sodom, ki ki yin ki ke Ijipt. Bi nan kpaa Tidindaan ndɔpuinkoo pu nima la.

Tibɔkpiirkaan 18:18

ki lik mmii aah gaal kitiŋ ngbaan pu na, le ki tar ke, “Kilatiŋ ki bi ke kitisakpeŋ ngbaan na?”

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.