Hosea 11:4 - Uwumbɔr aagbaŋ

⁴ M di ngeehm ni lineen daa bi dan mbaa chee. M nan yoor bi paacham ki di buŋ mbɔgbiln pu; m nan sɔɔn taab ki kpiin bi.

Hosea 11:4 ပူးပေါင်းရင်းမြစ်များ

2 Samuel 7:14

Min le ga li ye ute, le u li ye maabo. U yaa tun taani kan, m ga daa utafal, ke ubo aate aah dar waabo aatafal pu na la.

Ilahn 105:40

Bi nan mee Uwumbɔr le u cha ichakpee dan; u nan cha tijikaar nyan ni paacham ke bi nan ji ki bab.

Nnyam 16:32

Le Moses bui bi ke, “Uwumbɔr siin nkaal ke ti siin mana aajikaar ngbaan siib, ti li si aan tiyaabitiib mu nan kan ti, nima kan, bi ga nan kan tijikaar ti aaboln u nan tii timi aan ti jin nteersakpiin ni, waah nan nyan ni timi Ijipt aatiŋ ponn ni buyoonn na.”

Solomonn Aalahn 1:4

Yoor mi, ki cha ti san; li ye maabɔr, ki di mi buen saadiik ni. Ti ga li kpaan koo le ni mɔ timi, ki ga nyu ndaan taah gee pu na, le ki mɔk tɔb taah gee tɔb pu na. Ni sil ye mbamɔn ke upii mɔk gee si.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Liifai Yaab 26:13

Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Jɔnn 12:32

Bi yaa yoor mi kitiŋ paacham kan, m ga daa foor binib mɔmɔk dan mbaa chee.”

2 Korenti 5:14

Kristo aah gee timi pu na le junni tiwon ni, ki cha ti bi kina. Ti nyi ke unibaan nan sil binib mɔmɔk aasisiiyaan ki gaa baakun ki kpo, nima le bi mɔmɔk kpo.

Ikaal 32:12

Uwumbɔr baanja le joo waanib, le kaa ban nterm liwaal libaa chee.

Ikaal 32:14

Le baawakor nan kpa mbiin pam; baapiih, ni iŋoob, ni inaa nan filk sakpen; bi nan kpa tijikaar ni ŋisubil aadaan ni ŋan na.