Hosea 11:3 - Uwumbɔr aagbaŋ

³ Tɔ, m mu le nan mɔk Israel lisachuln. M yoor maanib ŋmam ŋŋaal ni, le baa nyi ke min le joo bi.

Hosea 11:3 ပူးပေါင်းရင်းမြစ်များ

Ilahn 107:20

U nan di waamɔboln le tii bi laafee, ki nyan bi nkun ponn ni.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 19:4

“Ni kan min Uwumbɔr na aah nan ŋa Ijipt yaab pu, ki kii nimi ke likaagiil aah kii laabo pu, ki yoor u ufeen pu pu na, le ki joo ni nimi mbaa chee.

Nnyam 23:25

Ni yaa dooni min Nidindaan Uwumbɔr kan, m ga ŋa tinyoor ŋa ni pu, le ni kan tijikaar ni nnyun, le m ga nyan iween ni chee.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 30:17

Ni yaa po ye ke nimi aadim len ke, ‘Bi di Sionn mee a; ubaa aatafal aa ki bi u ni’ kan, m ga ki cha ni pɔɔk, m ga cha nimi aabuun yann. Min Uwumbɔr le len kina.”

Jeremia 8:22

Inyɔk aa bi Gilead aatiŋ ni ii? Bi teei binib na aa bi nima chee ee? Tɔ, ba ŋa ubaa aa ŋmaa tii maanib laafee?

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Hosea 7:15

Min le nan kpiin bi ki tii bi mpɔɔn, le bi fenn ki kpokl m pu.

Lituln 13:18

Ŋibin imonko ilee le Uwumbɔr kpiin tiyaajatiib timoor ni,

Ikaal 1:31

Ni kan waah joo ni nimi laafee ni, ki nan saa do chee na, ke ubo aate aah joo u pu na.’

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.