Hosea 11:12 - Uwumbɔr aagbaŋ

¹² Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Hosea 11:12 ပူးပေါင်းရင်းမြစ်များ

Mpiin 2:11

Bi yin njan aapaln ke Pisonn, li nan puu dii Hafila aatiŋ ni la.

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Ilahn 78:36

Tɔ, baamɔbon tee ye inyamɔn la; baabɔr mɔmɔk aa gbiini.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Hosea 10:13

Le ni yii ki di titunwanbir bun ki nan chee taanyoor. Ni jin nimi aanyamɔn aah joo ni pu na la. “Naah mak nimi aataan aatɔroku tiib, ni nimi aajab aawiwiir pu na,

Hosea 12:1

“Israel aanib aah tun pu kichakpiik ni ki ti saa kinyeek na aa kpa tinyoor, le ki ye libiil ŋmeen. Mbimbin mu pɔɔ na ni inyamɔn le moo kpae bi ponn ni. Bi ni Ijipt ni Asiria yaab kpaani kimɔbaan la.”

Hosea 12:7

Uwumbɔr bui ke, “Israel aanib ji biŋeen aatɔtiib ke Kanaann yaab na la; bi gee ke bi li joo tiwan ni kaa ye nibamɔnn na le ŋaŋni tiwan ki ji binib bi daa bi chee tiwan na.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Hosea 7:3

Uwumbɔr bui ke, “Binib joo baatunwanbir aakpokl le ŋmanni ubɔr ni waaninkpiib.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

1 Korenti 6:2

Naa nyi ke Uwumbɔr aanib ga ji dulnyaa yaab tibɔr aa? Ni yaa ga ji dulnyaa yaab tibɔr kan, naa ŋmaa toor tibɔr waatiir aa?

Tibɔkpiirkaan 1:6

ki ŋa timi waanaan ni aanib bi ye bitotoorb na, ke ti li tun lituln tii Ute Uwumbɔr. Uma Yesu le ye uyimbidaan, ki kpa mpɔɔn mɔmɔk n‑yoonn mu kaa kpa ndoon na. Amii.

Tibɔkpiirkaan 3:21

Unii umɔk nyaŋ na, m ga cha u kal m chee maabɔrjal pu, ke m mu aah nan nyaŋ pu ki kal Nte Uwumbɔr chee waabɔrjal pu pu na.

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”