Hosea 11:11 - Uwumbɔr aagbaŋ

¹¹ Bi ga nya ni Ijipt aatiŋ ni mala ke inyoon na, ki nya ni Asiria aatiŋ ni mala ke ŋinanjel na. M ga ki giin ni bi bido bido. Min Uwumbɔr le len kina.”

Hosea 11:11 ပူးပေါင်းရင်းမြစ်များ

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 60:8

Ni ye ba aaŋɔsakpiin ki san mala mala ke ntaalangbam na, ki naahn ŋinanjel le aah choo kun ni na?

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Esekiel 34:27

Isui ga lu ŋisubil, tisar ga ŋa tijikaar, le unii mɔmɔk ga li bi waatiŋ pu, ŋŋmarm ni. M yaa kii maanib aakululn ki gaa bi binib bi nan di bi ŋa binaagbiib na chee lii kan, n‑yoonn ngbaan le bi ga bee ke min le ye Uwumbɔr.

Esekiel 34:28

Ŋitimbol ŋi kaa nyi Uwumbɔr na aan ki yoor baawangol buen, le tipeewanbir mu aan ki ku bi ki ŋmɔ bi. Bi ga li bi ŋŋmarm ni, le ubaa aan ki cha ijawaan chuu bi.

Esekiel 37:21

ki tuk bi ke min Bidindaan Uwumbɔr ban m nyan maanib mɔmɔk ŋitimbol ŋi ponn ni bi buen na, ki kuun ni bi, ki giin ni bi bibaa aatiŋ pu.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Obadia 1:17

“Sionn aajool na pu le binib bibaa ga ŋmar, le lijool ngbaan pu ga kpaln miyaan. Jakob aayaabitiib ga gaa baatiŋ ki ye baatiŋ ibamɔn ni na.

Sekaria 10:10

M ga nyan ni bi Ijipt ni Asiria aatim ni ki giin bi kunn ni ki nan di bi kaan baatiŋ pu. M ga kaan bi Gilead ni Lebanonn mu aatim ni; kitiŋ ngbaan mɔmɔk ga kpaln binib ŋmeen la.

Sekaria 8:7

M ga nyan ni maanib baadim aah di bi buen ntim mu na ni,

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.