Hosea 10:5 - Uwumbɔr aagbaŋ

⁵ Binib bi koo Samaria aatiŋ ni na ga san ijawaan ki wii, baah ga lann salmaa aanaaja aawaal li bi naan siin Bef Afenn ni na pu. Bi ni bitotoorb bi dooni liwaal ngbaan na ga wii li pu. Buyoonn baadim chuu nyan laasalmaa aanyaan na le bi ga li kaani.

Hosea 10:5 ပူးပေါင်းရင်းမြစ်များ

2 Bibɔrb 10:29

Tɔ, u nan tee dii Ubɔr Jeroboam, u nan di Israel aanib koon titunwanbir ponn ni ke bi li dooni salmaa aanaaja naankee ilee i bi nan di siin Betel, ni Dann aatim ni na.

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 23:5

U nan nyan bitotoorb bi Juda yaab aabɔrb nan di kaan kaan ke bi li toor kitork, ŋiwaa aatork aabimbin pu, Juda aatim ni, ni nin chee duun Jerusalem aatiŋ na, baatun ni, bitotoorb bi mɔmɔk nan toor kitork tii liwaal Baal, ni nwiin, ni uŋmal, ni paacham aawan niken na, ni iŋmabi na, u nan nyan bi mɔmɔk.

2 Bibɔrb Aabɔr 11:15

Jeroboam nan ban ubaa aatotoorb le bi dooni binib bi kaa dii Uwumbɔr na aawaa, ni ŋiwaa ŋi u naan aan ŋi bi ke iŋoob ni inaajabi na.

2 Bibɔrb Aabɔr 13:8

Le aa fii ke aa ni Uwumbɔr aah di nnaan aapɔɔn tii David aayaabitiib bi na jan kijaak. Ni kpa butɔb aajab bi wiir na, ni salmaa aanaaja i Jeroboam naan ke nimi aawaa na, ni chee.

Aisaya 46:2

Ŋiwaa ngbaan aa ŋmaa gaa ŋibaa lii, bi nyaŋ ŋi ki di ŋi buen a. Babiloŋ aawaa aadoon le na.

Hosea 13:2

Baah beenin naani tikur aawan ki dooni ni na, le bi beenin tun titunwanbir, bi dooni tikunabr aawaa ŋi unibɔn di waalan naan ŋi uyil ni, ki di uŋaal ŋa ŋi na. Le bi bui ke, “Toor kitork tii ŋi man.” Binib ga ŋa kinye ki moor ŋiwaa ŋi bi naan ŋi ke inaaja na?

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Hosea 9:1

Israel aanib, taa ki ji nimi aajim ke binib bi kaa nyi Uwumbɔr na aah ŋani pu na. Ni fenn nipuwɔb tii nimi Aawumbɔr le kaa keei waamɔb. Kitiŋ kee mɔmɔk pu, ni di nibaa kooh ke upiidagoor na le ki di tii liwaal Baal, le ki gee tijikaar ti ni dak ke u joo pa nimi na.

Hosea 9:11

Israel aayimbil ga fii buen ke unyoon na, le baan ki maa mbim, bipudam mu aan ki li bi, baan ki dek mbim aapuu.

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Sefania 1:4

“M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.

Lituln 19:27

U yaa beenin ŋani kina kan, u ga bii timi aatuln. Atemis, li ye liwaal sakpeln na aadichal ga bee fam. Atemis li Asia aatim aanib, ni dulnyaa ni aanib mɔmɔk dooni li na, mu ga ŋa fam, kaan ki li bi tibɔr tibaa ni.”

Josua 7:2

Josua nan nyan waanib Jeriko aatiŋ ni, ki tun bi Ai aatiŋ ni, kitiŋ ngbaan nan bi Betel aawipuul wɔb la, ki bi gbɔk Bef Afenn aatiŋ na, ke bi chuun pekr lik kitiŋ ngbaan. Baah buen ki labr ni na,

Bibɔjirb 18:24

Maika nan gar bi ke, “Ni len kinye ke, ‘Ba ŋa?’ Ni yoor maatotoor ni maawaa ŋi m ŋa na ki di siir. M ki kpa ba?”