Hosea 10:4 - Uwumbɔr aagbaŋ

⁴ Bi len tibɔr ti kaa gbii na, ki puur tipuur kaa gbiini ti, ki ŋani inyamɔn aamɔbaan. Ibamɔn le kpaln inyamɔn, le ki moo kpae ke timoor ti kaa ŋan ki bi baah kon nkpaakon mu na ponn ni pu na.

Hosea 10:4 ပူးပေါင်းရင်းမြစ်များ

Aisaya 5:7

Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Hosea 4:2

Bi puur tipuur le ki bii ti; bi geei inyamɔn, ki ku binib, ki su kinaayuk, ki ban tɔb aapuutiib. Libiil moo kpae la, le linikul libaa paa liken pu.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Amos 5:7

Nimi bi len ibamɔngangal ki ji binib biken baabamɔn pu na, ni kpoi doo a.

Amos 6:12

Itaan san ŋitakpasakpiin pu uu? Bijab joo inaaja ko nima aa? Le nimi tee di ibamɔn kpaln njinn, ki di mbamɔn kpaln inyamɔn.

Lituln 8:23

M kan ke aasui to sakpen a. Titunwanbir le joo si.”

Rom Yaab 1:31

Baa kpa nlan. Bi yaa puu tipuur kan, baa gbiini ti. Baa gee baamaal aanib, kaa cha pinni binib, kaa san binib kinimbaak.

Ikaal 29:18

Ni pɔɔn nibaa ki taa cha uja, bee upii, bee mmaal, bee linibol li si do din wee na fenn bipuwɔb tii Tidindaan Uwumbɔr ki dooni ŋinibol ngbaan aawaa. Ni yaa ŋa kina kan, ni ga li bi ke ulɔnn yaa punn idi ni kan, u ku i pu na la.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

2 Timoti 3:3

kaan li gee baamaal aanib, kaan di cha pinn binib. Bi ga li ye binibiinib. Baan ŋmaa chuu bibaa. Bi ga li kpa mbiin, ki ga li nan nsanyaan.

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.