Hosea 10:14 - Uwumbɔr aagbaŋ

¹⁴ le butɔb ga lir nimi aanib pu, le nimi aatim mu kpa tijawan ki pɔɔ na mɔmɔk ga kuln. Ni ga li bi ke ubɔr Salmann aah nan kuln Bef Arbel aatiŋ butɔb ni, ki ku natiib ni baabim pu na la.

Hosea 10:14 ပူးပေါင်းရင်းမြစ်များ

Mpiin 32:11

M mee si ke aa gaa mi nkpel Esɔ chee lii. M san ijawaan ke nibaakan u ni waanib choo bi nan ku ti mɔmɔk, hali ki ku bipiib ni mbim mu la.

2 Bibɔrb 17:16

Bi nan bii Bidindaan Uwumbɔr aakaal mɔmɔk, le ki naan tikur aanaajabi ilee ki dooni i; bi nan ki naan liwaapii Asera aanaŋ mu, ki dooni iŋmabi, le ki dii liwaal Baal.

2 Bibɔrb 17:3

Asiria aatiŋ aabɔrkpaan Salmaneser nan faa u butɔb; le Hosea nan di ubaa tii u ke u nyaŋ u le ki pa tipar tii u libiln mɔmɔk.

2 Bibɔrb 18:33

Litimbol libaa aawaa ŋman ki gaa ŋaatim Asiria aatiŋ aabɔrkpaan chee ee?

Aisaya 17:3

Israel aatiŋ aan ki li kpa unii u ga li kii ki na, le Damaskus aatiŋ aan ki li bi kibaa pu. Siria yaab bi ŋmar na ga ji inimɔɔn ke Israel yaab aah ji inimɔɔn pu na la. Min, Uwumbɔr Mpɔɔnsakpiindaan le len kina.”

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 48:41

le ki nyaŋ kaatim, ni ntim mu bi maa ŋigon gob mu na. Liyaadaal ngbaan kan, Moab aajab ga san ijawaan ke imalween aah joo upii u na.

Hosea 10:15

Betel aatiŋ aanib, kina ga ŋa nimi, naah tun titunwanbir sakpen ti na pu. Butɔb aah ga piin buyoonn na, le Israel yaab aabɔr ga kpo.”

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Amos 3:14

ke bundaal m ga daa Israel yaab aatafal baatunwanbir pu na kan, m ga gbaa wii ŋiwaabimbin ŋi bi Betel aatiŋ ni na mɔmɔk. Ŋibimbin ngbaan mɔmɔk aamɔju ga wii ki lir kitiŋ.

Amos 3:8

Uchinn yaa ŋuun kan, ijawaan chur binib mɔmɔk la. Tidindaan Uwumbɔr yaa len tibɔr kan, ŋma bi kaan nabr ti tii biken?

Amos 9:5

Tidindaan Uwumbɔr Mpɔɔnsakpiindaan yaa meeh kitiŋ kan, ki deŋni la, le binib bimɔk bi nima na wii ikpowiil. Dulnyaa mɔmɔk fii ki lir ke Nail Aamɔɔsakpeln aah fii ki lir pu na la.

Maika 5:11

M ga bii nimi aatim mɔmɔk, le ki ber naah maa tiwan ni mɔmɔk kiir nibaa na.

Nahum 3:10

Le bi nan yoor Tebes aanib buen tinaagbiir ni. Bi nan gbaa ku baabim bil kitiŋ ngbaan aalɔlɔnn mɔmɔk ni. Bi nan di tikululn le gbin binib bi ye baasalolm na, le ki yakr bi tii binib bi nan nyaŋ bi ki chur bi na.

Nahum 3:12

Saah maa tidir ti fɔk ki pɔɔ kiir aabaa na ga li gur naahn ŋikakan aasui i aasubil puir na la: dam isui ngbaan le ŋikakan ga gbar lir ni aamɔb ni.

Habakuk 1:10

Bi lik seeni bibɔrb le ki laa baaninkpiib. Baah maa ŋigon kiir ntim mu aan mu pɔɔ na kibaa aa ŋmaa sil kiir bi, bi kuun titan le ti din kaagon, le ki nyaŋ ki,