Hosea 10:10 - Uwumbɔr aagbaŋ

¹⁰ M ga pii titunwanbirdam bimina ki daa bitafal. Ŋitimbol ga kpaan ki tak bi, le m ga daa bitafal, baah tun titunwanbir sakpen pu na pu.

Hosea 10:10 ပူးပေါင်းရင်းမြစ်များ

1 Bibɔrb 12:28

Waah moo dakl ti lik na, le u di salmaa ŋa inaajabi ilee, le ki bui waanib ke, “Naah chaa Jerusalem pu ti dooni Uwumbɔr na, ni taa ki buen. Israel aanib, nimi aawaa ŋi nyan ni nimi Ijipt aatiŋ ni na sɔ.”

Job Aagbaŋ 39:10

Aa ga ŋmaa di ŋŋmin leen ubaa ki cha u ko tii si ii? Bee aa ga ŋmaa cha u kpar saasikpel tii si ii?

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Jeremia 21:4

ke bi ti bui Sedekia ke Israel yaab Aadindaan Uwumbɔr bui ke, “Sedekia, m ban m nyaŋ saajab bi bi jaa Babiloŋ aabɔr ni waajab kijaak na la. M ga kuun saajab aajawan bil kitiŋ aakaasisik ni.

Esekiel 16:37

Nimina pu na, m ga kuun ni aabɔtiib bikpokb bi aa nan gee bi na, ni saah nan kaa gee bi na nan kpaan. M ga cha bi nan mann goln si, le m chuu gbabr si ki cha bi kan si aaŋmeen.

Esekiel 16:42

N‑yoonn ngbaan le maaŋuul ga jer, le nsui sɔŋ. Maaŋuul aan ki fii aa pu, le maapiipoln mu ga doo.

Esekiel 23:46

Tidindaan Uwumbɔr aah len pu na sɔ: “Li joo ni kijaak aanipaak ki nan saan bipiidagoob ngbaan, ki su baawan.

Esekiel 23:9

Kina pu le m nan di u tii waah nan gee ubɔtiib Asiria yaab bi sakpen na.

Esekiel 5:13

“Nimi le ga gaa maaŋuusakpeln ki ti saa buyoonn m ga bab na. Nimina yaa nan ŋa kan, le ni ga bee ke min Uwumbɔr le di maaŋuusakpeln na len ni chee, naah yii maah mɔk nimi pu na pu.

Hosea 10:9

Uwumbɔr bui ke, “Israel yaab aah nan tun mi titunwanbir Gibea aatiŋ ni buyoonn na, baa kee di cha. Kina pu le butɔb ga pii bi Gibea aatiŋ ni.

Hosea 4:19

Uwumbɔr ga di bi buen ke kinaakpaajabuŋ le aah daar bi cha na, le inimɔɔn ga chuu bi ŋiwaa aatork pu.

Hosea 4:9

Nimi ni binib ngbaan aatafadaan ga li ye tiwanbaan la. M ga daa nitafal ki cha ni pa naah tun titunwanbir ti na pu.

Hosea 8:1

Uwumbɔr bui ke, “Faa nkuun man. Bidim boon nan lir maatiŋ pu ke ŋikaagii na la. Maanib bii tipuur ti m nan puu tii bi na, le ki yii maamɔkm.

Hosea 8:10

Le m ga kuun bi ki daa bitafal. Naan yunn le Asiria aabɔrkpaan ga di limukl pii bi, le bi ga lir ki biln kitiŋ iween pu.

Matiu 22:7

Le ubɔrkpaan ngbaan gee liŋuul sakpen, le ki tun waajab le bi ti ku binikurb ngbaan, le ki see baatiŋ mmii.

Ikaal 28:63

Ni nan mɔ Uwumbɔr le u ŋa tinyoor ŋa ni pu ki cha ni pɔr, ni ga ki li mɔ u ke u bii ki kuln nimi. Bi ga nyan nimi kitiŋ ki ni ban ni koo ki ponn ni ki gaa ki na ni.