Hosea 10:1 - Uwumbɔr aagbaŋ

¹ Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Hosea 10:1 ပူးပေါင်းရင်းမြစ်များ

1 Bibɔrb 14:23

Bi nan maa maa nin chee bi dooni ŋiwaa ŋi ye fam na, le ki maa ŋibimbifɔfɔŋ, ni liwaapii Asera aanaŋ ŋigongon paab, ni isui i kpa mboon na taab.

Jeremia 11:13

Juda aanib aawaa wiir ke baatim aah wiir pu na la, le Jerusalem yaab maa ŋibimbin tii tijɔŋ aawaal Baal, baatiŋ ni aasanbim mɔmɔk ni.

Jeremia 11:17

“Min Uwumbɔr Mpɔɔnsakpiindaan le nan bun Israel ni Juda yaab; tɔ, n‑yoonn mue ma kan, m ban m joo ni tibɔbir le nan lii bi pu. Baah tun taani pu na le bi joo ni kina nan lii bibaa pu; bi toor kitork tii liwaal Baal, le ki cha maaŋuul fii bi pu.”

Jeremia 2:28

“Naah naan ŋiwaa ŋi tii nibaa na bi la chee? Ŋi yaa ga ŋman kan, ni cha ŋi nyan nimi tibɔr ni buyoonn ni bi ti ni na. Juda aanib, naah kpa ntim sakpen pu na, kina le ni kpa ŋiwaa mu.

Hosea 12:11

Tɔ, ŋiwaa le bi dooni ŋi Gilead aatiŋ ponn ni, le binib bi dooni ŋi na ga kpoi. Bi kɔr inaaja Gilgal aatiŋ ni toor kitork, le ŋiwaabimbin ŋi bi nima chee na ga kpaln ŋitakpakpuk le ikpaakon ni.”

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Hosea 13:15

Israel pɔr ke timoor na la, le m tee ga cha libuln li ton ki nyan ni liwipuul wɔb nteersakpiin ni na dan ki nan foor baayayak aanyunbun, ni ŋibun. Li ga yoor tiwanbankaan mɔmɔk buen.

Hosea 13:2

Baah beenin naani tikur aawan ki dooni ni na, le bi beenin tun titunwanbir, bi dooni tikunabr aawaa ŋi unibɔn di waalan naan ŋi uyil ni, ki di uŋaal ŋa ŋi na. Le bi bui ke, “Toor kitork tii ŋi man.” Binib ga ŋa kinye ki moor ŋiwaa ŋi bi naan ŋi ke inaaja na?

Hosea 13:6

Le naah ti koo kitiŋ ki ŋan na ponn ni na, le ni nan jin bab, le ni ŋeer nimi, le ni kpaln bigaadam ki suln mbɔr.

Hosea 2:10

M ga gbabr u ki cha u uŋmeen ubɔtiib aanimbil ni, le ubaa aan ŋmaa nyan u maapɔɔn ni.

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Hosea 4:7

“Nimi bitotoorb aah wiir pu na, kina le naah tun mi titunwanbir ti na mu wiir, le ki ga cha m kpeln nimi aanyuŋ ŋa inimɔɔn.

Hosea 8:11

“Israel aanib aah moo maa kitork aabimbin ke bi kan titunwanbir aachapinn na, kina le bi moo kani nin chee bi ga tun titunwanbir na.

Hosea 8:4

“Maanib leer baabɔrb, le kaa ŋɔɔni m pu. Bi leer baasalolm, le kaa ŋɔɔni m pu. Bi di baakunabr ni salmaa le ki naan ŋiwaa; ŋima le ga kuln bi.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Nahum 2:2

Uwumbɔr ban u ki giin Israel aatiŋ aapak ki ki nan kpa, aan kaadim nan gaa kaawangol butɔb ni na tii ki la.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

Filipi 2:21

Biken na mɔmɔk aatafal bi bibaa ni la. Bitafal aa bi Yesu Kristo aatuln ni.