Hosea 1:7 - Uwumbɔr aagbaŋ

⁷ Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Hosea 1:7 ပူးပေါင်းရင်းမြစ်များ

2 Bibɔrb 19:29

Tɔ, le Aisaya bui ubɔrkpaan Hesekia ke, “Nimina le ga li ye limɔkl ki mɔk nimi tiwan ni ga ŋa na. Libiln limina, ni libiln li ga paan ni na, ni ga ji tijikaar ti naa kon ti, ti punn tibaa pu na la; libiln li ga paan na ma kan, ni ga ŋmaa bu nibaa aajikaar aan ki nan chee ti, ki ga bu ŋisubil aasui ki moo yaasubil mu.

2 Bibɔrb 19:34

M ga kiir kitiŋ kimina, ki biin ki pu, maapak, ni maah puu tipuur ti tii maatutunn Ubɔr David na pu.’”

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

2 Bibɔrb 6:18

Siria yaab ngbaan aah tak kitiŋ ngbaan na, le Elaisa mee limeel ke, “Uwumbɔr, cha bijab bimina jɔb.” Uwumbɔr nan ŋun waameel, le ki cha bi jɔb.

Ilahn 33:16

Naa ye ubɔr aajab bi pɔɔ na pu le ubɔr nyaŋni butɔb ni, kaa ye butɔb aaja aapɔɔn pu le u mu nyaŋni butɔb ni.

Ilahn 44:7

le sin ma gaa timi, timi aadim aaŋaal ni lii, le ki nyaŋ binib bi kaa gee timi na.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 14:30

Liyaadaal ngbaan le Uwumbɔr nan gaa Israel yaab Ijipt yaab chee lii, le Israel yaab kan baah kpoi ki dɔ nnyun ngbaan aagbaan pu na.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 25:5

Bi nan bui nimi ke ni di cha nimi aabiin aabimbin mu ni bi na, ki di cha titunwanbir ti ni tun na, aan ki li beenin koo kitiŋ ki pu Uwumbɔr nan di tii nimi ni niyaajatiib, ke ki li ye nimi aawan n‑yoonn mɔmɔk na.

Jeremia 25:6

Bi nan bui nimi ke ni taa li dooni ŋiwaa ki taa li dii ŋi, ki taa cha Uwumbɔr aaŋuul fii naah dooni ŋiwaa ŋi ni naan nibaa na pu. Ni yaa ba nan kii Uwumbɔr aamɔb kan, waa ba ga nan daa nitafal.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Hosea 1:8

Gomer aah lii waapiibo ngbaan na, u nan ki dek, le ki ki ma ubijabo.

Hosea 11:12

Uwumbɔr bui ke, “Israel aanib di inyamɔn ni ŋŋmann le gob mi, le Juda aanib beenin yiil min Uwumbɔr u bi chain ki tun maah len pu na aamɔb.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”