Hosea 1:6 - Uwumbɔr aagbaŋ

⁶ Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 1:6 ပူးပေါင်းရင်းမြစ်များ

2 Bibɔrb 17:20

Le Uwumbɔr nan yii Israel aanib mɔmɔk, ki daa bitafal ki di bi tii baadim bi kpa mbiin sakpen na, le ki ti baan nyan bi ubaa chee.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Hosea 1:8

Gomer aah lii waapiibo ngbaan na, u nan ki dek, le ki ki ma ubijabo.

Hosea 2:23

M ga maa maanib kaan kitiŋ ngbaan pu ki tii bi liwangol. M ga mɔk baah nan yin bi ke “Maa‑neen” bi na ngeehm, ki ga bui baah yin bi ke “Baa‑ye‑maanib” na ke “Bi‑ye‑maanib” la, le bi ga kii ke, “Aa ye timi Aawumbɔr la.”

Hosea 2:4

Maan san waabim kinimbaak; bi ye upiidagoor u kaa san inimɔɔn na aabim la. Uma ubaa le len ke, “M ga buen mbɔtiib chee la, bi tii mi tijikaar ni nnyun, ki tii mi ŋikeken, ni olif aakpan, ni ndaan.”

Amos 7:8

le u baa mi ke, “Amos, aa waa ba?” Le m bui u ke, “Likpaln li bi joo ŋaŋni tiwan na.” Le u bui mi ke, “M joo li ke m di mɔk si ke maanib naahn ligoln li bi maa li aan laa tuk na la. Maan ki kpeln maalandak maah ga daa bitafal pu na.

Amos 9:8

Min Uwumbɔr Mpɔɔndaan ka ki lik titunwanbir sakpenn ti Israel aanaan mue tun na, ki ga doo mu dulnyaa wee ni. Maan tee ku biyaabitiib doo.

1 Piita 2:10

N‑yoonn mbaa naa nan ye Uwumbɔr aanib. Dandana wee ni ye Uwumbɔr aanib la. N‑yoonn mbaa Uwumbɔr aa nan san nimi kinimbaak. Dandana wee u san nimi kinimbaak.