Hosea 1:4 - Uwumbɔr aagbaŋ

⁴ le Uwumbɔr bui Hosea ke, “Yin u ke ‘Jesreel,’ ba pu? naan yunn le m ga daa Israel aabɔr aatafal, uyaaja Jehu aah nan ku binib bi bi Jesreel ni na pu. M ban m kuln Jehu aanaan aadichal la.

Hosea 1:4 ပူးပေါင်းရင်းမြစ်များ

2 Bibɔrb 10:1

Ubɔr Ahab aayaabitiib imonko itaa ni kipiik le nan koo Samaria aatiŋ ni. Jehu nan ŋmee kigbaŋ le ki tun ti tii kitiŋ ngbaan aajojoob, ni kaanikpaam, ni Ahab aayaabitiib aah bi binib bi aaŋaal ni na. Kigbaŋ ngbaan nan len ke:

2 Bibɔrb 10:17

Baah ti fuu nima chee na, Jehu nan ku Ahab aado yaab mɔmɔk, kaa cha ubaa ŋmar. Uwumbɔr nan bui Elaija ke kina le ga ŋa.

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

2 Bibɔrb 15:8

Juda yaab aabɔr Usia aanaan ni aabin piitaa ni ŋiniin ni, le Jeroboam aajapɔɔn Sekaria jin Israel aanaan. U nan bi Samaria aatiŋ ni le ki joo waanib ki ti saa iŋmal iloob.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Aisaya 8:3

Tɔ, naa yunn le mpuu dek lipuul. Waah ma ubijabo na, le Uwumbɔr bui mi ke, “Yin u ke, ‘Maher‑Salal‑Has‑Bas’.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 20:3

Kitaak aah woln aan Pasur cha bi chuu baar mi lii na, le m bui u ke, “Uwumbɔr le aa nan yin si ke Pasur. Waah nan tii si liyimbil li na le ye ke ‘Ijawaan bi ni kookoo.’

Jeremia 23:2

Uwumbɔr, u ye Israel yaab Aawumbɔr na aah len biyidam bi aatuln ba ye bi li joo waanib mbamɔm na aabɔr pu na sɔ: “Naa joo maanib; ni yaa bi, le ki jenn bi buen. Tɔ, m ga daa nitafal naah tun titunwanbir ti na pu.

Jeremia 3:8

Juda aanibol mu nan kan ke m yii Israel aanibol, ki jenn u lii; ba pu? u nan fenn upuwɔb tii mi ki kpaln udagoor. Le Juda, u ye Israel aana aabo u nyan mpuwɔb na aa nan san ijawaan. U mu nan kpaln udagoor,

Esekiel 23:10

Bi nan gbabr u ki cha u uŋmeen, ki gaa ujapɔtiib ni ubisatiib, le ki di kijaak aajuk ku u. Ŋipepel mɔmɔk aapiib nan len waadoon ngbaan aabɔr.

Esekiel 23:31

Aa nan taŋ aakpel aataa ni la, kina pu na, m ga di ntafadaan baan ngbaan aayikuuk le tii si le aa nyu ki ponn ni.”

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Hosea 2:13

N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.

Hosea 9:17

Maah dii Uwumbɔr u na ga yii waanib, baah kaa ŋun tii u pu na pu. Bi ga kpaln bichayiim le ŋitimbol ponn ni.

Amos 9:8

Min Uwumbɔr Mpɔɔndaan ka ki lik titunwanbir sakpenn ti Israel aanaan mue tun na, ki ga doo mu dulnyaa wee ni. Maan tee ku biyaabitiib doo.

Matiu 1:21

U ga maa ubijabo, le aa ga yin u ke Yesu; ba pu? uma le ga nyan waanib baatunwanbir ni.”

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:31

Aa ga dek lipuul, ki maa ubijabo ki yin u ke Yesu.

Tibɔnyaan ti Luk ŋmee ti na 1:63

Le u bui bi ke bi tii u kigbaŋ. Baah tii u na, le u ŋmee ke, “Waayimbil le ye Jɔnn.” Le ni gar bi mɔmɔk pam.

Jɔnn 1:42

Le u di u dan Yesu chee. Le Yesu lik Piita, ki bui u, “Bi yin si le ke Simonn, Jɔnn aajapɔɔn. Bi ga li gur yin si ke Siifas la.” Siifas aatataa le ye ke “litakpal.” Siifas ni Piita ye liyimbibaan la.

Josua 19:18

Baapepel aatim le nan ye Jesreel, ni Kesulof, ni Sunem,