Hiibru Yaab 9:4 - Uwumbɔr aagbaŋ

⁴ Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.

UWONBƆR A GBƆNPƆŊ LIKƆƆNL

⁴ kunanboŋ nmɔn a poolin nan jɔɔ salima a binbinl nan yaan wee bi nan nyɔɔr nnyɔgkusim ki tenn Uwonbɔr, le Uwonbɔr a poor adaka kan wee salima nan tab ki bu-n mu be niin. Adaka nmɔn a poolin nan jɔɔ salima a binbog kan gbee nin tijiir tan wee bi yi maana nan, nin Arɔnn a jaangbiɛg kan nan bunn tifarin, nin itangbag ilee yan wee bi nan sɔb nsiim ki paan i bu-n nan kpee niin.

Hiibru Yaab 9:4 ပူးပေါင်းရင်းမြစ်များ

1 Bibɔrb 7:50

ni n‑yikum, ni baah joo tiwan ni toor ŋikaryapal na, ni ŋisambil, ni tulalee aayon aasambim, ni nsambim mu bi joo moi mmii na; ni Chain Chain Aapepel aajaaleŋ, ni Uwumbɔr Aadichal aadir tiken aajaaleŋ tiib aakur. Bi nan di salmaa le naan tiwan nimina mɔmɔk.

1 Bibɔrb 8:21

M ki di Waakaal Aadakaa u ŋitakpapapan ŋilee na bi u ni na di siin Waadichal ngbaan ni. Ŋitakpapapan ngbaan pu le bi nan ŋmee kimɔbaan ki Uwumbɔr ni tiyajaatiib nan ŋa buyoonn uma Uwumbɔr nyan ni bi Ijipt aatiŋ ni na.”

1 Bibɔrb 8:9

Moses aah nan di ŋitakpapapan ŋi ŋa u ponn ni, Sainai Aajool chee na baanja le bi Uwumbɔr Aakaal Aadakaa ngbaan ni, nibaa aa nan ki bi u ni ki kpee ŋi pu. Israel yaab aah nan nyan ni Ijipt aatiŋ ni, aan Uwumbɔr puu tipuur tii bi na, le Moses nan di ŋi ŋa u ponn ni.

2 Bibɔrb Aabɔr 5:10

Ŋitakpapapan ŋilee ŋi Moses nan gaa Sainai Aajool paab ki di ŋa u ponn ni na baanja le nan bi Nkaal Aadakaa ngbaan ni, nibaa aa nan ki bi u ni ki kpee. Israel yaab aah nan nyan ni Ijipt aatiŋ ni aan Uwumbɔr ni bima nan ŋa kimɔbaan Sainai Aajool chee na, le Moses nan ŋmee kimɔbaan ngbaan ŋitakpan na pu ki di ŋi ŋa Dakaa ngbaan ponn ni.

Nnyam 26:33

Ni di likekeln sakpeln ngbaan di leen Libool ngbaan ni, ki yakr li nfum mulee; ni di Uwumbɔr Aakaal Aadakaa u ŋitakpapapan ŋilee bi u ponn ni na, ki di siin likekeln ngbaan aapuwɔb. Likekeln ngbaan le ga yakr Chain Aapepel, ni Chain Chain Aapepel chee.

Nnyam 31:18

N‑yoonn mu Uwumbɔr len Moses chee tibɔr doo, Sainai Aajool paab na, le u di ŋitakpapapan ŋilee ŋi uma Uwumbɔr ubaa ŋmee waakaal ŋi pu na di tii u.

Nnyam 32:15

Le Moses gir sunn ni lijool ngbaan aataab, ki joo ni ŋitakpapapan ŋilee ŋi Uwumbɔr ŋmee ikaal ŋi pu na.

Nnyam 34:29

N‑yoonn mu Moses nan sunn ni Sainai Aajool taab ki joo ni Ikaal kipiik na, le unimbil wɔb moor; ba pu? u nan bi Uwumbɔr chee, le u ni u len tɔb chee tibɔr; Moses ma aa nan nyi kina ubaa.

Nnyam 37:25

U nan di lisiijal aadɔ le ŋa baah seer tulalee aayon tiwan ni pu na. Ni nan bi likpakpaln, le naah fɔk kitiŋ pu na nan ye ŋisaŋ ŋitaa, le naah waa pu na mu nan ye ŋisaŋ ŋitaa, le naah fɔk paacham mu pu na nan ye ŋisaŋ ŋiloob. Naamɔchɔn ŋinaa, ni nima nan ye liwanbaal la.

Nnyam 39:35

ni Uwumbɔr Aakaal Aadakaa u ŋitakpapapan ŋilee bi u ponn ni na, ni waadɔ, ni waabiil,

Nnyam 40:3

Aa di Dakaa u ponn ni Ikaal Kipiik bi na siin Libool ngbaan ni, ki di likekeln gbin u chee.

Liifai Yaab 16:12

u yoor mmii aasambil ki ban kitork aabimbiln pu mmiisakɔl, ki lee tulalee aayon mu nu mɔ na iŋaal ilee, aan ki li joo ni Chain Chain Aapepel ni.

Nkahm 17:10

Uwumbɔr nan bui Moses ke, “Di Aaronn aadabil giin ti bil Maakaal Aadakaa taab. Li ga li dɔ nima, ki ye nsurm ki tii Israel yaab bi yii mi na, ke bi yaa kaa di cha baah len tibɔr ti kaa ŋan na kan, bi ga kpo.”

Nkahm 17:5

Le uyidaan u m nyan na aadabil ga bunn tifasɔnn. Kina le m ga cha Israel yaab taa ki li ŋulni ni pu.”

Nkahm 17:8

Naah woln kitaak aan Moses buen Libool ni na, le u kan ke Aaronn aadabil li si Liifai yaab aanibol aasisii na bunn tifasɔnn ni nsupuun, ki lun ŋisubil ŋibaa aaboln.

Ikaal 9:11

Mbamɔn, iwiin ni tinyer imonko ilee ngbaan aah jer na, le Uwumbɔr di ŋitakpapapan ŋilee ŋi u nan ŋmee waakaal ŋi pu na tii mi.

Ikaal 9:9

M nan jon Sainai Aajool paab, m ti gaa ŋitakpapapan ŋi pu Uwumbɔr nan ŋmee waakaal i u nan di tii nimi na. M nan bi nima iwiin ni tinyer imonko ilee, le kaa nan jin, ki mu aa nyun nibaa.

Tibɔkpiirkaan 11:19

Tɔ, le bi chuu piir Uwumbɔr aadiik ki bi paacham na. Le m kan Uwumbɔr aakaal aadakaa si waadiik ponn ni. Le utaal moor, le kifuuk faa, le utaal tar, le kitiŋ deŋ, le utaal nu ŋitaatakpabil sakpiin.

Tibɔkpiirkaan 8:3

Le Uwumbɔr aatuun uken dan nan sil kitork aabimbiln chee, ki ŋub salmaa aasambil li bi joo tulalee aayon ŋani li ponn ni na. Le bi tii u tulalee aayon sakpen u di kpee Uwumbɔr aanib mɔmɔk aameel pu, ki di ŋa salmaa aabimbiln li bi Uwumbɔr aabɔrjal aanimbiin ni na paab, ki di tii Uwumbɔr.