Hiibru Yaab 9:22 - Uwumbɔr aagbaŋ

²² Nkaal ngbaan aah dii pu na, bi yaa nan ban ke bi ŋa tiwan chain kan, see bi di nsin yɔk yɔk ni pu le ki ŋa ni chain. Nsin yaa kaa nyan kan, Uwumbɔr aan di cha pinn titunwanbir.

UWONBƆR A GBƆNPƆŊ LIKƆƆNL

²² Ibamɔn buu nsiimin wɔɔn ke ncham le ye min ŋunn niwann biɛn, ni bu ncham kaa nyan ke tibir a jiɛnper kaa be.

Hiibru Yaab 9:22 ပူးပေါင်းရင်းမြစ်များ

Esekiel 43:18

Tidindaan Uwumbɔr nan bui mi ke, “Unibɔn, li pel maah tuk si pu na mbamɔm. Bi yaa maa kitork aabimbiln doo kan, aa see kitork li pu aan li kpaln min yaal, ki di tiwakor ti bi di toor kitork ngbaan na aasin yɔk yɔk li pu.

Liifai Yaab 14:14

Utotoor ban upihbo ngbaan aasin ki di ŋa uweendaan ngbaan aaŋangii aatafalan ni, ni uŋangii aaŋanbijak pu, ni utaagiil aataŋanbijak pu.

Liifai Yaab 14:25

U ga kɔr upihjabo ngbaan, le ki di waasin ngem ki ŋa unii ngbaan aaŋangii aatafalan pu, ni uŋangii aaŋanbijak pu, ni utaagiil aataŋanbijak pu.

Liifai Yaab 14:6

U ga di linanjel li gur baa kɔr na, ni santina aadɔ, ni ŋŋmin maman, ni nkiisuk, ki di bɔ baah kɔr linanjel li na aasin ni,

Liifai Yaab 17:11

Tiwanfuurkaan mɔmɔk aamɔfal bi nsin ni la, kina pu le Uwumbɔr siin nkaal ke ni nyan tiwakor aasin mɔmɔk ŋa kitork aabimbiln pu, aan mu nyan binib ngbaan aatunwanbir. Nsin, mu ye limɔfal na, le nyani titunwanbir.

Liifai Yaab 4:20

U ŋa tiwan mɔmɔk unaaja ngbaan pu, ke waah ŋa ubaa aatunwanbir aapiin aanaaja pu pu na. U yaa ŋa kina kan, u toor nyan binib ngbaan aatunwanbir le na, le Uwumbɔr ga di cha pinn bi baatunwanbir.

Liifai Yaab 4:26

U ga di waakpan ngbaan see mmii ni, libimbiln paab, ke waah see kimɔbaan aatork aawakor aakpan pu na. Utotoor yaa toor kitork kimina aaboln tii utinjoor kan, Uwumbɔr ga di cha pinn u waatunwanbir.

Liifai Yaab 4:35

U chuu nyan waakpan mɔmɔk ke waah nyan kimɔbaan aatork aapiih aakpan pu na, aan ki di mu see mmii ni, libimbiln paab, ki kpee tijikaar aatork pu, ki tii Uwumbɔr. Kina le utotoor ga toor uja ngbaan aatunwanbir aatork, le Uwumbɔr ga di cha pinn u waatunwanbir.

Liifai Yaab 5:10

U di linanjel li gur na toor kitork ki bi joo seer mmii ni na, nkaal aah ye pu na. Kina le utotoor ga toor kitork tii titunwanbirdaan ngbaan, le Uwumbɔr ga di cha pinn u waatunwanbir.

Liifai Yaab 5:11

U yaa kaa kpa ŋinanjel ŋilee, bee ŋibɔrnanjel ŋilee kan, u ban ni n‑yon kuruwaa ubaa ki nan tii Uwumbɔr waatunwanbir aapiin. U taa di olif aakpan, bee tulalee aayon paan n‑yon ngbaan pu; ba pu? ni ye titunwanbir aapiin la, naa ye tijikaar aapiin.

Liifai Yaab 5:12

U li joo ni n‑yon ngbaan nan tii utotoor, aan u di uŋaal lee mu gbiin uŋaal, ni li ye limɔkl ke ni mɔmɔk ye Uwumbɔr aapiin la, aan ki di see mmii ni, libimbiln paab, tii Uwumbɔr. Ni ye kitork ki ga nyan titunwanbir na la.

Liifai Yaab 5:18

U li joo ni utotoor chee upihja, bee uŋoja u ŋan na, ni li ye lipɔln aatork. Kiwakork ngbaan aadaak li dii nkaal aah siin pu na. Utotoor ga di kiwakork ngbaan toor udaan ngbaan aatunwanbir ti u tun kaa nyi na pu, le Uwumbɔr ga di cha pinn u waatunwanbir.

Liifai Yaab 6:7

Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.