Hiibru Yaab 9:2 - Uwumbɔr aagbaŋ

² Bi nan ŋa libool lipepel libaa wɔb, ki yin li ke chain aapepel. Karyaa ni teebul ni boroboro u bi di tii Uwumbɔr na, nan bi li ponn ni.

UWONBƆR A GBƆNPƆŊ LIKƆƆNL

² Bi nan tii kunanboŋ le. Ki yi ki poolin niba yaan ke kasi a bol nan yaan wee fila a titɔɔnbol nin teebul nin kasi a boroboro kan wee bi jɔɔ tenn liwonseil a mann bolin nan be.

Hiibru Yaab 9:2 ပူးပေါင်းရင်းမြစ်များ

Nnyam 25:23

“Ni di lisiijal aadɔ ki di ŋa teebul aan waah ga li fɔk pu na li ye ŋisaŋ ŋiloob, waah ga li waa pu na li ye ŋisaŋ ŋitaa, waah ga li fɔk paacham pu na li ye ŋisaŋ ŋinaa ni ligeln.

Nnyam 25:30

Ni di teebul ngbaan siin Uwumbɔr Aakaal Aadakaa ngbaan chee, ki li joo boroboro u ni joo tii mi na paani u pu.

Nnyam 25:31

“Ni di salmaa aakur ŋmeen, ki di ŋa tiwan ni ni ga di karyaa tiib chɔŋ ni pu na. Ni di ligagaar gbaa salmaa ki ŋa tiwan ngbaan, ki naan nsupuun ki di dab ni pu, aan ni ŋa tiwanbaan.

Nnyam 26:1

“Ni ŋa Libool li bi chain na, nin chee m ga li bi na. Ni di iŋmibɔn, ni iman, ki di luu ŋitanyaan aakeken kipiik ki di gaa Libool ngbaan. Ni gbaŋ ŋi ki naan tiwan ni kpa ifeen na mann gonn ŋikeken ngbaan.

Nnyam 26:33

Ni di likekeln sakpeln ngbaan di leen Libool ngbaan ni, ki yakr li nfum mulee; ni di Uwumbɔr Aakaal Aadakaa u ŋitakpapapan ŋilee bi u ponn ni na, ki di siin likekeln ngbaan aapuwɔb. Likekeln ngbaan le ga yakr Chain Aapepel, ni Chain Chain Aapepel chee.

Nnyam 26:35

Ni di Uwumbɔr aaboroboro aateebul siin ŋŋangan wɔb, Libool ngbaan ni, ki di karyaa tiib aah tɔŋni tiwan ni pu na mu siin ŋŋangii wɔb.

Nnyam 29:1

“Saah ga ŋa pu ki di kitork aatuln tii Aaronn ni ujapɔtiib aan bi li tun maatuln pu na sɔ. Aa ban unaaja ni ipihja ilee, i taa li kpa iween ibaa.

Nnyam 29:35

“Aa di iwiin ilole toor Aaronn ni ujapɔtiib bitotoorb aatork, ke maah mɔk si pu na mɔmɔk.

Nnyam 40:2

“Njan aaŋmal aajan aawiindaal kan, aa gaa Maabool.

Nnyam 40:4

Aa di teebul koon ni, ki di waawan chɔŋ u pu; ni ki kpee na, aa di tiwan ni bi joo karyaa tiib tɔŋni ni pu na koon ni, ki di karyaa tiib chɔŋ ni pu.

Matiu 12:4

Le u koo Uwumbɔr Aadichal ni. Le u ni bi ŋman Uwumbɔr aaboroboro. Baah ŋman boroboro ngbaan na, le bi bii Moses aakaal mu len ke Uwumbɔr aatotoorb baanja le ga ŋmɔ boroboro ngbaan na.

Matiu 5:15

Unii yaa see karyaa kan, waan di lisambil chiŋ u pu. U ga di u tɔŋ tiwan paab la, le u woln kidiik mɔmɔk ponn ni nwiihn.

Hiibru Yaab 9:25

Juu yaab aatotoorninkpel nan di nsin mu kaa ye uma ubaa aasin na le koo ni chain aapepel ni, libiln mɔmɔk. Yesu Kristo di ubaa toor kitork nfum mbaa baanja la.