Hiibru Yaab 9:14 - Uwumbɔr aagbaŋ

¹⁴ Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.

UWONBƆR A GBƆNPƆŊ LIKƆƆNL

¹⁴ Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Hiibru Yaab 9:14 ပူးပေါင်းရင်းမြစ်များ

2 Samuel 4:11

Ni ga li bi kinye ki tii nimi titunwanbirdam bi tee ku uja u dɔ geen udo, kaa ŋa nibaa na. M ga di nimi di teen naah ku u pu na, ki doo nimi kitiŋ kee pu.”

2 Bibɔrb 19:16

Uwumbɔr, ŋun timi aameel ki lik tiwan ni bi ŋani timi na. Li pel tiwan ni mɔmɔk Senakerib len ki joo seei si Uwumbɔr u bi kaa kpa ndoon na.

Job Aagbaŋ 15:16

Le unibɔn nyu titunwanbir ke naah ye nnyun le na; mbamɔn, unibɔn bii doo; unibɔn ye fam la.

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Nnyam 12:5

Ni ga ŋmaa nyan upihjabo, bee uŋojabo; kiwakork ngbaan mu li ye libiln libaa aawakork, ki taa li kpa iween ibaa.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 53:9

Bi nan ban ke u ni titunwanbirdam nan kpaan likaakul la, u ni biwankpadam le bi nan kpaan di sub; ba pu? waa nan ŋa titunwanbir aatuln libaa, hali waa nan mɔn nnyamɔn mubaa.”

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Esekiel 45:18

Tidindaan Uwumbɔr bui ke, “Njan aaŋmal aajan aawiin daal kan, ni kɔr unaaja u kaa kpa iween ibaa na ki finn Maadichal.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Liifai Yaab 22:20

Ni yaa di kiwakork ki kaa ŋan na toor kitork tii Uwumbɔr kan, waan gaa ki.

Nkahm 28:11

Uŋmal aajan aawiin daal kan, ni toor kitork ki ni ga di see mmii ni na tii Uwumbɔr. Naah ga di tiwakor ti toor na sɔ: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan.

Nkahm 28:3

Naah ga di tijikaar aapiin i tii Uwumbɔr iwiin mɔmɔk, aan ki di see mmii ni na sɔ: libiln libaa aapihjabi ilee, i taa li kpa iween, ki li ŋan.

Nkahm 28:9

Likpaakool daal kan, ni di libiln libaa aapihjabi ilee i kaa kpa iween ki ŋan na, ni boroboro aayon kuruwaa bilee, ki di olif aakpan buun mu, aan ni li ye njikaabim aapiin, ni ŋisubil aadaan aapiin, ki toor kitork tii Uwumbɔr.

Matiu 12:28

Tɔ, Uwumbɔr Aafuur Nyaan le tii mi mpɔɔn le m nyani tiyayaar binib ni. Nima le mɔk ke Uwumbɔr aanaan fuu ni ni chee.”

Matiu 16:16

Le Simonn Piita bui u, “Aa ye Kristo u ga gaa binib lii na. Aa ye Uwumbɔr u fu na Aajapɔɔn la.”

Matiu 20:28

ki li bi ke min Unibɔn Aabo aah bi pu na; maa dan dulnyaa wee ni ke bi nan tun lituln tii mi, m dan ke m nan tun lituln tii binib, ki kpo ke m gaa binib pam lii la.”

Matiu 7:11

Nimi titunwanbirdam yaa tee nyi ipiin i ŋan na ki tii nimi aabim kan, ŋmaninkabaa Nite Uwumbɔr u bi paacham na le aan di tiwan ni ŋan na ki di tii binib bi mee u na aa?

Tibɔnyaan ti Luk ŋmee ti na 1:74

ke u ga nyan timi, timi aadim aaŋaal ni, aan ti dii u ki taa li san ijawaan,

Tibɔnyaan ti Luk ŋmee ti na 12:24

Dakl lik ŋikakaa aah bi pu na. Ŋaa ko tijikaar, ki mu aa chee ti, kaa kpa ŋipil, kaa kpa ŋiboo. Uwumbɔr le kpiini ŋi. Naa jer ŋi sakpen aa?

Tibɔnyaan ti Luk ŋmee ti na 12:28

Timoor bi din, ki ga fe wu mmii fen, le Uwumbɔr ŋa ti mmopuun mu ŋan na. Waan tii nimi tiwanpeenkaan aa? Naa gaa Uwumbɔr ki kii mbamɔm. U ga tii nimi.

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Lituln 1:2

ki ti saa n‑yoonn mu Uwumbɔr di u buen paacham na. Waah nan bi dulnyaa wee ni na, le u lee waakpambalb. Uwumbɔr Aafuur Nyaan aapɔɔn pu le u nan tuk waakpambalb ngbaan baah ga ŋa pu na, le Uwumbɔr nin di u buen paacham.

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 15:9

Waah ŋa kina na, u mɔk ke u pak binib bi kaa ye Juu yaab na mu. Waa yakr timi. U po dak ke binib mɔmɔk ye tiwanbaan la. Baah gaa u ki kii na, le u finn bisui ni titunwanbir.

Rom Yaab 1:20

Buyoonn Uwumbɔr nan naan dulnyaa wee ki nan saa dandana wee na, binib kani waabimbin aah bi pu na. Naa ye ke binimbil le kan u. Bi kan tiwan ni u naan ni na, ki kan ke u kpa mpɔɔn mu kaan doo na, ki sil ye Uwumbɔr. Nima le baan ŋmaa len ke baa nyi.

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

Rom Yaab 11:12

Juu yaab nan yii Yesu, kaa ŋmar, nima le dulnyaa ni aanib bi kaa ye Juu yaab na kan tinyoor ki ŋmar. Juu yaab yaa nan ŋmar doo kan, nima le binib bi kaa ye Juu yaab na ga kan tinyoor ki jer baah nan kan pu na.

Rom Yaab 11:24

Nimi bi kaa ye Juu yaab na, ni bi ke timoor ni aasub aabon na, le Uwumbɔr gaa gii nimi ki di toŋ busunyaan pu, binib aah kaa ŋani pu na. Nima le naa pɔɔ u di Juu yaab, bi bi ke busunyaan aabon na, ki ki di toŋ busunyaan ngbaan pu.

Rom Yaab 6:13

Ni taa di nimi aawon tii titunwanbir, ki taa tun lituln li kaa ŋan na. Ni di nibaa tii Uwumbɔr, ke binib bi fikr nkun ni na, ki di nimi aawon tii Uwumbɔr, ke ni tun lituln li ŋan na ki tii u.

Rom Yaab 6:22

Uwumbɔr nyan nimi titunwanbir aanaagbiir ni la. Dandana wee, ni ye uma Uwumbɔr aanaagbiib la. Nimi aanyoor ye mbimbin mu bi chain na la. Naadoon ga li ye limɔfal li kaa kpa ndoon na.

1 Korenti 15:45

Ni ŋmee Uwumbɔr Aagbaŋ ni ke Uwumbɔr nan naan njan aanii Adam, ki tii u limɔfal. Kookoo yoo le ye Nfuur Nyaan mu tii timi limɔfal li kaa kpa ndoon na. Uma le ye Kristo.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Galantiya 2:19

Maa ki dii nkaal ngbaan ke unii u kpo na aah kaa ki dii pu na la. Ni naahn ke nkaal ngbaan aah ku mi le na. M yii nkaal ngbaan ke m li bi Uwumbɔr aah ban pu na la.

Efesusi 2:5

Taah nan tun titunwanbir na, taa nan kpa limɔfal. Taah kpaan Kristo ni na, le Uwumbɔr tii timi limɔfal. Waanimbaasaln pu le u gaa nimi lii.

Efesusi 5:2

Cha ngeehm li bi ni chee man, ke Kristo aah gee timi pu, ki kpo ti pu, ki ŋa kitork ki piir Uwumbɔr aasui, ki ŋa ti ni Uwumbɔr kijɔtiik na.

Ikaal 15:21

Tɔ, nibaa yaa ŋa tiwakor ngbaan, nibaakan ki yaa wɔb, bee ki jɔb, bee ni nibaa chee yaa bii kan, ni taa di ki toor kitork tii Nidindaan Uwumbɔr.

Ikaal 17:1

“Kiwakork yaa kaa ŋan, kaa kpa laafee kan, ni taa di ki toor kitork tii Nidindaan Uwumbɔr. Waa gee kina.

Ikaal 31:27

M nyi bisui aah pɔɔ aan bi kpa tafalaaŋun pu na. Maah bi limɔfal ponn ni na, m kan baah bir ki yiir Uwumbɔr pu na, le m yaa kpo kan, bi ga ŋa ni bir ki jer kina na.

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

1 Timoti 3:15

m yaa yunn kan, aa ga bee mbimbin mu ŋan tii Uwumbɔr Aadichal ni aanib, bi ye Uwumbɔr u ye limɔfadaan na aanib na. Waabɔr ti ye mbamɔn na bi biŋaal ni la, le bi joo ti.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

Hiibru Yaab 10:10

U ŋa Uwumbɔr aageehn, le ki di ubaa aawon toor kookoo aatork nfum mbaa, le ki ŋa timi waanib bi ye chain na.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 10:2

Nkaal ngbaan yaa ba nan nyan bi titunwanbir ni kan, baalandak aa ba ga ki li muk bi titunwanbir pu. Bi mu aa ba ga ki toor kitork ngbaan.

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Hiibru Yaab 11:21

Jakob nan gaa Uwumbɔr ki kii, nima le nan cha u ŋa Uwumbɔr aanyoor ŋa waabo Josef aabim bilee pu buyoonn u nan ban u kpo na, le ki nyii waajaangbeedabil pu, ki doon Uwumbɔr.

Hiibru Yaab 13:12

Nima pu le Yesu mu nan kpo kitiŋ aagbaan, ke waasin finn tisui, ki ŋa timi chain.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

Hiibru Yaab 6:1

Nima na, ti taa li beenin len Kristo aamɔkm mu diin na baanja aabɔr n‑yoonn mɔmɔk. Cha ti bae waamɔkm mu gur na mɔmɔk, aan ki chikr waasan ni. Naa ki ban ke ti li beenin tuk nimi n‑yoonn mɔmɔk ke, “Kpeln nimi aabimbin man, ki di cha ŋitukpok, ki tii Uwumbɔr naadii man.”

Hiibru Yaab 7:16

Naa ye binib le nyan u ki ŋa u utotoor baakaal aah dii pu na. Uma le kpa limɔfal li kaa kpa ndoon na aapɔɔn. Nima le cha u ye utotoor.

Hiibru Yaab 7:27

Bitotoorninkpiib biken aah bi pu na, waa bi kina. Waa toor kitork uma ubaa aatunwanbir pu, u toor kitork binib aatunwanbir pu la. Waa toor kitork iwiin mɔmɔk. U nan di ubaa toor kitork nfum mubaa, kookoo aatork mu le na.

Hiibru Yaab 9:12

le ki koo lipepel li ye chain na paacham, nfum mbaa kookoo. Uma ubaa aasin pu le u nan gaa timi lii n‑yoonn mu kaa kpa ndoon na, naa ye tiwakor aasin pu.

Hiibru Yaab 9:26

U yaa ba nan joo ubaa toor kitork libiln mɔmɔk kan, u ba ga ji falaa n‑yoonn mɔmɔk, buyoonn dulnyaa wee piin ki joo cha na. Naah ye pu na, u fuu ni buyoonn ni ŋeer na, ki di ubaa toor kitork nfum mubaa, ke u kuln titunwanbir.

Hiibru Yaab 9:7

Utotoorninkpel baanja le koo ni chain chain aapepel li bi libool ngbaan ponn ni na. U koo ni nima chee libiln mɔmɔk nfum mbaa baanja la. U yaa koo ni kan, see u joo ni nsin nan tii Uwumbɔr, uma ubaa aatunwanbir ni binib aatunwanbir pu.

Hiibru Yaab 9:9

Libool ngbaan le nan ye Yesu aabɔr aamɔkl ki tii bi. Libool ngbaan ponn ni, le bi joo ipiin, ni tiwakor toor kitork tii Uwumbɔr. Kitork ngbaan aa nan cha bisui doon titunwanbir pu.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.

1 Piita 2:22

Waa nan ŋa titunwanbir aatuln libaa, ki mu aa nan mɔn nnyamɔn mubaa.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

1 Piita 3:18

Ba pu? Kristo ubaa nan kpo nfum mbaa timi aatunwanbir pu. Kristo u ye uninyaan na nan kpo timi bi ye tiniwanbir na pu, ke u di ti ni Uwumbɔr kpaan. Bi nan ku waawon, le Uwumbɔr Aafuur Nyaan tii u limɔfal,

1 Piita 4:2

Nima pu na, naah laa bi dulnyaa wee ni na, ni taa ki kii nisui aah gee pu na, ni li keei Uwumbɔr aah gee pu na.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Jɔnn 3:5

Ni nyi ke Yesu aah nan dan dulnyaa wee ni na, u dan u nan nyan titunwanbir la. Ni nyi ke uma Yesu aa tun titunwanbir tibaa.

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”