Hiibru Yaab 9:1 - Uwumbɔr aagbaŋ

¹ Uwumbɔr aah nan puu njan aapuur tii bi na, u nan mɔk bi baah ga doon u pu na. Bi nan kpa libool li bi ga li dooni u li ponn ni, aan binib gaa li na.

UWONBƆR A GBƆNPƆŊ LIKƆƆNL

¹ Chinchinn a poorin nan jɔɔ liwonjiɛnl a siim le nin dulinya nan a wonjiɛn bol.

Hiibru Yaab 9:1 ပူးပေါင်းရင်းမြစ်များ

Nnyam 25:8

Cha binib ngbaan ŋa Libool tii mi, nima kan, m ga li bi gbɔk bi.

Esekiel 43:11

Tɔ, inimɔɔn yaa chuu bi baah ŋa pu na pu kan, aa ŋeer Maadichal ngbaan aabimbin aah bi pu na: laah ga li bi pu na, laabisamɔi i bi ga li diir koo na, ni i bi ga li diir nya na, laasisii aah ga li bi pu na, ni tiwan mɔmɔk aah ga li si nin chee na, ni laakaal ni ŋikoobil mɔmɔk. Ŋmee ni mɔmɔk bil aan bi ga ŋmaa kan tiwan mɔmɔk aasisii, ki ga ŋmaa dii laakaal.

Liifai Yaab 18:30

Le Uwumbɔr bui ke, “Ni kii ki li joo maah di ikaal i tuk nimi na, ki taa dii binib bi koo kitiŋ ngbaan ni na aah ŋani pu na ki cha baabimbin ngbaan bii nimi, ki ŋa nimi tijɔŋ. Min le ye Nidindaan Uwumbɔr.”

Liifai Yaab 22:9

“Bitotoorb mɔmɔk li joo ikaal ngbaan ke maah di i tuk nimi pu na. Bi yaa kaa joo i kan, baabɔr ga bii, le bi ga kpo, ba pu? bi yii maakaal i bi chain na. Min le ye Uwumbɔr le ki ŋa bi chain.

Nkahm 9:12

Bi taa ji gur tijikaar ngbaan tibaa ti woln kitaak, ki mu taa wii tiwakor ti bi di jin njim ngbaan na aakpabl libaa. Bi ji Lakr‑jer aajim ngbaan, mu aakaal aah mɔk pu na mɔmɔk.

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

Kolosiya 2:8

Unii yaa tuk nimi nnyamɔn aalan mu ye fam na kan, ni li nyi man ki taa dii u; nlan ngbaan ye binib aalan mu nyan ni kinimbɔŋ ki joo dulnyaa wee na, naa ye Kristo aabɔr.

Hiibru Yaab 8:13

Tɔ, Uwumbɔr aah len ke u ga puu tipuupɔln na, u ŋa njan yaan tipuukpokl la. Tiwan yaa ye tiwankpok kan, naan yunn, naan ki li bi.

Hiibru Yaab 8:2

U tun utotoorninkpel aatuln paacham aadiik ki ye kidibamɔŋ ki bi chain na ponn ni. Uwumbɔr le maa ki, naa ye binib.

Hiibru Yaab 8:7

Uwumbɔr aah puu tipuur ti njan na yaa kaa ba lann nibaa kan, waa ba ga li ban ke u ki puu tipuur lelee.

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.