Hiibru Yaab 8:9 - Uwumbɔr aagbaŋ

⁹ Tipuur ngbaan aan li bi ke tipuur ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. Baa nan joo tipuur ngbaan, nima le maa nan ki gar bi. Min Uwumbɔr le len kina.

UWONBƆR A GBƆNPƆŊ LIKƆƆNL

⁹ Uyudaan len ke tipoor nmɔn kaa na yin nann, tan wee N nan poo sei bi yaajam n-yonn man wee N nan da bi nyan Ijibir a tingbɔŋin nni, nan bu-n baa nan ŋmag tipoor nmɔn nbamɔmi, le N nan labir ki jiɛn bi, Uyudaan le len.

Hiibru Yaab 8:9 ပူးပေါင်းရင်းမြစ်များ

Mpiin 19:16

Lot aa nan ŋa mala. Le Uwumbɔr nan san u kinimbaak, le bijab bilee ngbaan nan chuu u ni upuu, ni ubisatiib bilee na aaŋaal, le ki dar bi nyan kitiŋ ngbaan ni.

Job Aagbaŋ 8:20

Le Uwumbɔr aan siir cha unii u tun ni ŋan na ma, kaan tii titunwanbirdam mu nterm.

Ilahn 105:43

Kina le u nan cheen waanib bi u gann bi na nyan, le bi nan gaa ilahn ki tar mpopiin pu.

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Ilahn 78:57

bi tee nyan upuwɔb kaa dii waah len pu na ke biyaajatiib na, kaa si chob ke mpiin mu gɔr na.

Nnyam 32:8

Maah mɔk bi ke bi li dii mi pu na, bi di lii a, le ki donn salmaa ŋa unaajabo ki dooni u, ki toor kitork tii u, le ki len ke baawaal sɔ, uma le nyan ni bi Ijipt aatiŋ ni.

Nnyam 34:10

Uwumbɔr nan ki bui Moses ke, “M ki puu tipuur Israel yaab chee la. M ga ŋa lijinjiir aatuln li kaa kee ŋa dulnyaa wee ni na, binimbil ni. Le binib mɔmɔk ga kan litukpaan li min Uwumbɔr ga ŋmaa ŋa na; ba pu? m ga ŋa lijinjiir aawan tii nimi.

Solomonn Aalahn 8:5

Ŋma ye aan u ni ubɔɔn lɔk tɔb kina, ki nyan ni nteersakpiin ni ki choo ngbaan? Nin chee bi nan ma si linyɔkl aasub taab na, le m nan finn si.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 41:13

Min le ye Nidindaan Uwumbɔr; M pɔɔk nitaakpab ki bui ke, ‘Taa san ijawaan man; m ga ter nimi.’”

Aisaya 51:18

Ubaa aa bi ki ga mɔk nimi nsan, ubaa aa ki bi nimi aanib ponn ni ki ga dar nimi.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Inandalahn 4:16

Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Esekiel 16:59

Aadindaan Uwumbɔr bui ke, “Saah suln saah puu tipuur ti na bɔr ki bii tipuur kpaan ti m ni sin nan puu tii tɔb na, m ga ŋa si tiwan ni ŋeer si na la.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Amos 5:22

Ni yaa toor kitork ki di see mmii ni, ni nimi aajikaabim aapiin tii mi kan, maan gaa ni; maan gaa naah lii tiwakor ti filk ke ni nan di tii mi ipiin na.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Tibɔnyaan ti Mak ŋmee ti na 8:23

Le Yesu chuu uŋaal, ki dar u ki di nyan kitiŋ ngbaan ni, le ki ti tii timɔɔtan ŋa ujoon ngbaan aanimbil ni, ki di uŋaal paan u pu, ki baa u, “Aa waa aa?”

Lituln 13:11

Uwumbɔr ga daa aatafal, ki cha aa jɔb, kaan ki li waa, ki ti saa n‑yoonn mu Uwumbɔr gee na.” Libuul ngbaan ni le likpakpal bɔmbɔln biin unimbil pu, le u jɔb, ki chuun mann gonni ki ban unii u ga chuu uŋaal ki dar u na.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Lituln 9:8

Le Sɔɔl fii sil, ki likr unimbil, kaa ki waa. Le bi chuu uŋaal, ki dar u cha Damaskus aatiŋ ni.

Galantiya 4:24

Bipiib bilee ngbaan aabɔr kpa ŋitaa la. Unaagbiipii u bi nan yin u ke Hagar na nan ma nnaagbiibim la. Hagar aabɔr ŋaŋ Moses aakaal la; ba pu? Moses aakaal joo binib tinaagbiir la. Uwumbɔr nan tii Moses nkaal ngbaan Sainai aajool paab.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 29:12

Din wee, ni mɔmɔk si do ke ni kii tii Nidindaan Uwumbɔr aah ban u puu tipuur ti tii nimi na la, aan ki gaa ti.

Ikaal 29:25

Le naatataa ga li ye ke, ‘Binib ngbaan bii tipuur ti Uwumbɔr u ye biyaajatiib Aawumbɔr na nan puu tii bi, buyoonn u nan nyan ni bi Ijipt ni na la.