Hiibru Yaab 8:10 - Uwumbɔr aagbaŋ

¹⁰ Maah ga puu tipuur ti tii Israel yaab n‑yoonn mu choo na na le ye ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

UWONBƆR A GBƆNPƆŊ LIKƆƆNL

¹⁰ N-yonn nmɔn nan jon ke, maah li poo tipoor tan sei Iziral yaab sɔ, Uyudaan le len. N li ta n siim ki ŋa bi potiɛrin le ki sɔb nsiim nmɔn ŋa bi sufu ni. Le n na li ye bi Wonbɔru, le bi mu na li ye n ninfob.

Hiibru Yaab 8:10 ပူးပေါင်းရင်းမြစ်များ

Nnyam 24:4

Le Moses ŋmee Uwumbɔr aakaal ngbaan mɔmɔk bil. Naah woln na, le u pue kichakpiik ni ki maa kitork aabimbiln lijool ngbaan aataab, le ki di ŋitakpal kipiik ni ŋilee mu ki di chɔɔn chɔɔn, le ŋitakpal ngbaan si Israel yaab aanaakɔsamɔi kipiik ni ilee na.

Nnyam 24:7

U nan yoor tipuur aagbaŋ, ki ponn ni bi ŋmee Uwumbɔr aakaal ŋa na, le ki karn ki mpɔɔn pu ki tii binib ngbaan. Le bi bui ke, “Ti ga kii Uwumbɔr aamɔbon ki ŋa waakaal aah len pu na mɔmɔk.”

Nnyam 34:1

Uwumbɔr nan ki bui Moses ke, “Kpii ŋitakpal ŋilee, ŋi li bi ke njan yee na, aan m ki ŋmee ŋi pu ŋimɔbon ŋi nan bi njan yee, ŋi aa nan di lii wii na.

Nnyam 34:27

Uwumbɔr nan ki bui Moses ke, “Ŋmee tibɔr ngbaan bil; ba pu? tibɔr tee pu le m ga puu tipuur tii sin ni Israel yaab mɔmɔk.”

Solomonn Aalahn 2:16

Mbɔɔn ye min yoo la, le m mu ye u yoo. U kpiini waawakor nsupuun ponn ni la,

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Jeremia 32:38

Bi ga li ye maanib, le m mu ye Baawumbɔr.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Esekiel 37:27

M ga li koo bi chee nima; m ga li ye Baawumbɔr, le bi li ye maanib.

Esekiel 39:22

N‑yoonn ngbaan le Israel yaab ga bee ke min le ye Bidindaan Uwumbɔr.

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Hosea 2:23

M ga maa maanib kaan kitiŋ ngbaan pu ki tii bi liwangol. M ga mɔk baah nan yin bi ke “Maa‑neen” bi na ngeehm, ki ga bui baah yin bi ke “Baa‑ye‑maanib” na ke “Bi‑ye‑maanib” la, le bi ga kii ke, “Aa ye timi Aawumbɔr la.”

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Rom Yaab 11:27

Maah puu tipuur ti tii bi na le ye ke m ga nyan baatunwanbir bi chee.”

1 Korenti 6:16

Naa nyi ke unii u doon upiidagoor chee na, bi kpaan tiwon tibaa la aa? Ba pu? Uwumbɔr Aagbaŋ len ke, “Upii ni uja yaa nyi tɔb kan, bi kpaa tiwon tibaa la.”

2 Korenti 3:3

Bi ga bee ke ni ye kigbaŋ ki nyan ni Kristo ni na, le u cha ti ŋmee ki. Taa nan di ngbaŋmeemoon le ŋmee ki. Uwumbɔr u ye limɔfadaan na Aafuur Nyaan le ŋmee ki. Ŋŋmeen ngbaan aa ŋmee ŋitakpal pu, ni ŋmee binib aasui ni la.

Ikaal 30:6

Nidindaan Uwumbɔr ga tii nimi ni niyaabitiib nsui mu kpa limɔkiir na, nima kan, ni ga li gee u nisui ni mbamɔm, ki li bi kitiŋ ngbaan ni.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Jemisi 1:18

U tii timi waabɔr ti ye mbamɔn na, ki ŋa timi waabim. Waageehn le na. U ban ke ti jer waah naan tiwan ni mɔmɔk na.

Jemisi 1:21

Nima pu na, ni di cha titunwanbir ni tiwan nimɔk kaa ŋan na, ki li bi suuna, ki gaa tibɔr ti Uwumbɔr di ŋa nisui ni na; tibɔr ngbaan ga gaa nimi lii.

1 Piita 1:23

Bi ma nimi lelee la. Naa ye unibɔn u ga kpo na le ma nimi lelee. U ma nimi na aan kpo. Uwumbɔr di waamɔboln li kpa limɔfal ki ga li bi n‑yoonn mu kaa kpa ndoon na le gir ma nimi lelee.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.