Hiibru Yaab 7:25 - Uwumbɔr aagbaŋ

²⁵ U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

UWONBƆR A GBƆNPƆŊ LIKƆƆNL

²⁵ Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

Hiibru Yaab 7:25 ပူးပေါင်းရင်းမြစ်များ

Job Aagbaŋ 22:17

Binib bee le nan yii Uwumbɔr ki kpa lipobil ke waan ŋmaa ŋa bi nibaa.

Job Aagbaŋ 23:3

M neen ke m ba li nyi maah ga ŋa pu ki ban kan u na, ki ba li nyi nin chee m ga kan u na.

Aisaya 45:22

Nimi binib bi mɔmɔk bi dulnyaa wee ni na, fenn gir ni m chee dandana aan ki ŋmar man. Min baanja le ye Uwumbɔr u bi na.

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 59:16

Ni gar u pam ke ubaa aa bi u ter baah muk binib bi na. Kina pu na, u ga di ubaa aapɔɔn le di gaa bi lii, ki ji linyaŋ ngbaan.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Jeremia 3:22

Nimi bi mɔmɔk fenn nipuwɔb tii Uwumbɔr na, gir ni man; u ga tii nimi laafee, ki cha ni ki sil upuwɔb. Ni bui ke, “Mbamɔn, ti ban ti gir ni Uwumbɔr chee la, ba pu? uma le ye timi Aawumbɔr.

Daniel 3:15

Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Daniel 3:17

Uwumbɔr u ti dooni u ki dii u na ga ŋmaa nyan timi mmii sakpiin ngbaan ni ki nyan timi saapɔɔn ni.

Daniel 3:29

“Le m siin nkaal dandana, ke litimbol, bee linibol, bee iliin imɔk aanib yaa len tibɔr ti kaa ŋan na Sadrak, ni Mesak, ni Abednego Aawumbɔr pu na kan, bi ga daa par par u, ki kuln udaan aadichal. Uwumbɔr uken aa ki bi ki ga ŋmaa gaa unii lii kina.”

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Jɔnn 14:13

Ni yaa mee Uwumbɔr tiwan nimɔk maayimbil pu na kan, m ga ŋa naah ban pu na tii nimi, aan binib nyuŋ Uwumbɔr, min Ujapɔɔn pu.

Jɔnn 14:16

le m ga mee Nte Uwumbɔr, le u ga tii nimi Uteter uken, u li bi ni chee n‑yoonn mɔmɔk.

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Rom Yaab 5:10

Buyoonn ti nan ye Uwumbɔr aadim na, le Ujapɔɔn nan kpo ti pu. U pu, le ti ni Uwumbɔr kpaan kijɔtiik. Ti ni Uwumbɔr aah kpaan kijɔtiik na, ŋmaninkabaa taah ga ŋmar waamɔfal pu pu na?

Rom Yaab 5:2

Yesu Kristo pu, le Uwumbɔr len ke timi aabɔr ŋan. Le ti mɔɔni ki kpa limakl ke ti ga yakr u chee Uwumbɔr aamɔɔn.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

1 Korenti 1:21

Uwumbɔr u kpa nlan na len ke dulnyaa wee aalan aa ŋmaa cha binib bee u. Nima pu na, u gaa binib bi gaa Yesu ki kii na lii, kijɔrk aabɔr ti ti joo tuk binib na pu. Waageehn le na.

Efesusi 2:18

Kristo pu, le binib bi ye Juu yaab na, ni binib bi kaa ye Juu yaab na mɔmɔk kpaani Uwumbɔr Aafuur Nyaan baan ni, ki dan Tite Uwumbɔr chee.

Efesusi 3:12

Taah gaa Yesu ki kii ki kpaan u ni na, nima le ti kpa lipobil ke ti dan Uwumbɔr chee ki nan doon u, ki taa li san ijawaan.

Efesusi 3:20

Waapɔɔn aah bi tisui ni ki tun lituln pu na, u ga ŋmaa ŋa sakpen tii timi ki jer taah dak pu na bee taah ga mee u pu na.

Filipi 3:21

U kpa mpɔɔn ki ga ŋmaa nyaŋ tiwan mɔmɔk, ki cha ni mɔmɔk kii waamɔb. Waah kpa mpɔɔn kina na, le u ga di timi aawon ti kaa ye lisil aawon na ŋa tiwonpɔnn ti naahn uyaar ti ye lisil aawon na.

1 Timoti 2:5

Ba pu? Uwumbɔr ye Uwumbɔr baan la. Uchandatuln ubaa baanja le bi Uwumbɔr ni binib aakaasisik ni. Uma le ye Yesu Kristo u nan kpaln unibɔn,

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

Hiibru Yaab 2:18

Uma ubaa le kan ntɔŋ ki jin falaa, nima le u ga ŋmaa ter binib bi kan ntɔŋ na.

Hiibru Yaab 2:9

ti kan Yesu la. Uwumbɔr nan sunn u taab ki cha waatuuntiib jer u, ni yunn siib, aan u ti kpo binib mɔmɔk pu, uma Uwumbɔr aanimbaasaln pu. Dandana wee ti kan ke waah jin nkun aafalaa na, Uwumbɔr di kipak ni liyimbil le di tii u.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

Hiibru Yaab 7:16

Naa ye binib le nyan u ki ŋa u utotoor baakaal aah dii pu na. Uma le kpa limɔfal li kaa kpa ndoon na aapɔɔn. Nima le cha u ye utotoor.

Hiibru Yaab 7:24

Yesu ma kan, u ye utotoor u ga li bi n‑yoonn mu kaa kpa ndoon na. Ubaa aan ki nab waatuln pu ki toor kitork.

Hiibru Yaab 7:8

Israel yaab yakr baawan mɔmɔk nfum kipiik, ki nyan nibaa ki di tii Uwumbɔr aatotoorb, bi nan ye binib bi ga kpo na. Melkisedek u Abraham nan yakr waawan nfum kipiik ki nyan nibaa tii u na ma kan, baa ŋmee waakun aabɔr. Bi ŋmee waabimbin aabɔr la.

Hiibru Yaab 9:24

Kristo aa koo ni chain aapepel li ye paacham yaan aanaŋ li binib maa li na ponn ni. Paacham le u koo ni, ki si timi aasisiiyaan, Uwumbɔr aanimbiin ni.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.