Hiibru Yaab 7:2 - Uwumbɔr aagbaŋ

² Le Abraham nan nyan tiwan nimɔk u nan gaa na nibaabaa kipiik mɔk ponn ni, ki di tii Melkisedek. Melkisedek aatataa le ye ke “ubɔr u kpa mbimbinyaan na.” U nan ye Salem aatiŋ aabɔr la. Salem aatataa le ye ke “nsuudoon.”

UWONBƆR A GBƆNPƆŊ LIKƆƆNL

² le Abiraham nan nyan waah jɔɔ nan biɛn piig a poolin libaba ki sei u. Chinchinn, Melikizɛdɛg a yinl a taai le ye “Tibuchinn a bɔru”; le ki ji ye “Salem a bɔru” le li mu a taai ye “Nposɔɔn a bɔru.”

Hiibru Yaab 7:2 ပူးပေါင်းရင်းမြစ်များ

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

2 Samuel 8:15

David nan joo Israel aanib mɔmɔk, le ki nan ŋani waanib mɔmɔk mbamɔm.

1 Bibɔrb Aabɔr 22:9

Tɔ, u nan tee puu tipuur tii mi. U nan bui mi ke, ‘Aa ga maa ubijabo u ga joo waanib nsuudoon ni na, ba pu? maan cha waadim muk u. Aa ga yin u ke Solomonn, ba pu? waanaan yoonn le m ga tii Israel yaab nsuudoon ni ŋŋmarm.

Ilahn 72:7

Cha tiŋann li bi waayoonn, ki cha nwankam li bi ki yunn ke uŋmal aah ga yunn pu na.

Liifai Yaab 27:32

Tiwakor ponn ni, unii yaa kpa ti ki ti saa kipiik kan, Uwumbɔr ti yeh kibaa. Ni yaa kahn tiwakor ngbaan ki ti saa kipiik kan, kibaa ye Uwumbɔr yaan la.

Maika 5:5

le u ga joo ni nsuudoon. Asiria yaab yaa nan koo ni timi aatiŋ ni ki nyaŋ binib bi kii timi na kan, le ti ga di timi aayidam bi pɔɔ sakpen na tun aan bi ni bima ti jan.

Nkahm 18:21

Uwumbɔr nan bui ke, “M di tiwan nibaabaa ni Israel yaab nyan kipiik mɔmɔk ni tii mi na, tii Liifai yaab. Baah bi Maabool ponn ni ki tun pu na aapar le na.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Rom Yaab 3:26

Tɔ, dandana wee, u len titunwanbir aabɔr ki bui ke binib bi gaa Yesu ki kii na aabɔr ŋan u chee. Nimina le mɔk ke uma Uwumbɔr si chob.

Hiibru Yaab 7:1

Melkisedek ngbaan nan ye Salem aatiŋ aabɔr, ki nan ye Uwumbɔr u kaa kpa ŋeen aatɔ na aatotoor la. Abraham aah nan ku bibɔrb bi ye waadim na ki gir ni na, le Melkisedek tooh u nsan pu ki ti ŋa Uwumbɔr aanyoor ŋa u pu.

Hiibru Yaab 7:3

Baa ŋmee ute ni una ni uyaajatiib aabɔr, kaa ŋmee buyoonn bi nan ma u na, ki mu aa ŋmee buyoonn u doo waatuln na. Waamɔfal aayoonn mɔmɔk u nan ye Uwumbɔr aatotoor la. Nima le u naahn Uwumbɔr Aajapɔɔn u ye utotoor n‑yoonn mu kaa kpa ndoon na.

1 Samuel 8:15

U ga nan gaa nimi aajikaar ni ndaan aasubil ŋigetek kipiik mɔmɔk ponn ni libaa, ki di tii waachiln ni aaninkpiib, ni bininkpiib bi gur na.

1 Samuel 8:17

U ga nan gaa nimi aawakor ŋigetek kipiik mɔmɔk ponn ni libaa. Le nimi nibaa ga ŋa waanaagbiib.