Hiibru Yaab 6:12 - Uwumbɔr aagbaŋ

¹² Ni taa li san ligbanyakl man. N‑yaayoonn na aanib bi nan gaa Uwumbɔr ki kii ki jin suklaa na, bi bi paacham ki kan waah puu tipuur ti ke u ga tii bi na. Ni mu li dii baah dii pu na.

UWONBƆR A GBƆNPƆŊ LIKƆƆNL

¹² Taa ban ni ŋa bigbanyagdami, amaa ni toog ban nan ŋa yada wee ki jɔɔ limɔrilin na, wee nin che ni kan lifaal lan wee Uwonbɔr nan siin limɔsiinlin.

Hiibru Yaab 6:12 ပူးပေါင်းရင်းမြစ်များ

Ŋiyataŋak 12:24

Aa yaa tun sakpen kan, aa ga kan tininkpir, le ligbanyakl ma ga ŋa si unaagbiija.

Ŋiyataŋak 13:4

Ugbanyakdaan yaa po gee u li neen tiwan sakpen pu na kan, waan ŋmaa kan ni. Unii u tun sakpen na ma ga kan waah ban pu na mɔmɔk.

Ŋiyataŋak 15:19

Aa yaa ye ugbanyakdaan kan, aa kani limukl ŋipepel mɔmɔk pu la, tɔ, aa yaa si chob kan, saan kan tibɔr daalbaadaal.

Ŋiyataŋak 18:9

Ugbanyakdaan aa ŋan ke unii u bii tiwan na aah kaa ŋan pu na la.

Ŋiyataŋak 2:20

Kina pu na, aa li dii binib bi aabimbin ŋan na aah dii nsan mu na.

Ŋiyataŋak 26:14

Ugbanyakdaan ma dɔ tiwandookaan pu le ki labr. U bi le ke jaaleŋ aah bi fiini libubaan ni pu na.

Ŋiyataŋak 28:10

Aa yaa ŋmann unibamɔnn aan u tun titunwanbir kan, aabaa aagaawɔb le ga chuu si. Le maa‑kpa‑taani‑dam ga kan baapar.

Solomonn Aalahn 1:8

Upii nyanyaan, saa nyi nima chee ee? Saa nyi kan, li dii tiwakor cha; li kii saaŋoob biwakodam aaboo chee.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Matiu 25:26

“Le udindaan bui u, ‘Utunwanbirdaan umina, ugbanyakdaan umina, aa bui ke aa nyi mbɔr ke maah kaa bun ni na, m chee nima la, maah kaa poo ti na, m faa tima la.

Tibɔnyaan ti Luk ŋmee ti na 16:22

Naah joo cha na, le uwanmeer ngbaan nan kpo. Le Uwumbɔr aatuuntiib dan nan yoor u ki di buen paacham, Abraham chee.

Tibɔnyaan ti Luk ŋmee ti na 8:15

Mu lir kitiŋ ki ŋan na ponn ni na le ye binib bi aasui ŋan ki ye mbamɔn na, ki ŋun Uwumbɔr aabɔr, ki joo ti mbamɔm, ki kpa limɔr, ki dii Uwumbɔr kaa di cha na.”

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

Rom Yaab 4:12

Binib bi gii ŋichakpan, ki tak Abraham aataabuu ponn ni, ki gaa Uwumbɔr ki kii ke Abraham aah nan gaa u ki kii pu, buyoonn waa nan kee gii lichakpaln na, bima mu le Abraham ye bite.

1 Tesalonika 1:3

Ti teer nimi Tite Uwumbɔr aanimbiin ni n‑yoonn mɔmɔk, ki teer ke naah ŋani pu na, nima le mɔk ke ni gaa u ki kii; naah tun lituln pu na, nima le mɔk ke ni gee u; naah kpa limɔr pu na, nima le mɔk ke ni kpa limakl Tidindaan Yesu Kristo pu.

2 Tesalonika 1:4

Nima pu le ti puk kipupuk ni pu Uwumbɔr aanib chee, ki tuk bi naah gaa Yesu ki kii ki kpa limɔr, falaa ni limukl mɔmɔk ponn ni pu na.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 10:36

Ni ban ni li kpa limɔr, aan ki ŋa Uwumbɔr aageehn, aan ki kan waah puu tipuur ti na.

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

Hiibru Yaab 12:1

Tɔ, n‑yaayoonn na aanib bi nan gaa Uwumbɔr ki kii na wiir pam, ki gonn timi, ki lik taah dii Uwumbɔr aasan pu na. Nima pu na, cha ti di tiwan nimɔk leŋ timi na lii, ki di cha titunwanbir ti dii timi na, ki li kpa limɔr, ki li dii Uwumbɔr aasan.

Hiibru Yaab 13:7

Ni teer man nimi aayidam bi tuk nimi Uwumbɔr aabɔr na, ki li teer baamɔfal aah doo pu na, ki li beenin dii Yesu aasan ke baah nan dii pu na.

Hiibru Yaab 5:11

Ti ga ki ŋmaa len waabɔr ti wiir na, le nimi aalan par, nima le taatataa ga li pɔɔ ni chee.

Hiibru Yaab 6:15

Abraham nan kpa limɔr, le ki nan kan Uwumbɔr aah nan puu tipuur ti na.

Jemisi 1:3

Ba pu? ni bee ke ni yaa kan ntɔŋ, kaa koo mu ni kan, nima le tii nimi limɔr.

2 Piita 1:10

Nnaabitiib, Uwumbɔr aah nyan nimi ki yin nimi pu na, ni li pɔɔni nibaa ki cha nimi aabimbinyaan li mɔk ke ni sil ye waanib. Ni yaa ŋa kina kan, naan lir.

1 Jɔnn 2:25

Waah puu tipuur ke u ga tii timi tiwan ni na, nima le ye limɔfal li kaa kpa ndoon na.

Tibɔkpiirkaan 13:10

Binib bi Uwumbɔr len ke bi ga chuu bi tinaagbiir na, bima le bi ga chuu bi tinaagbiir. Unii umɔk joo kijaak aajuk ku binib na, kijaak aajuk le ga ku u mu. Nima le cha ni ŋan ke Uwumbɔr aanib li ban limɔr ke bi dii Uwumbɔr mbamɔm.”